35. Karjalaste palk ja laul.

SL 1208.
EKS 8° 4, 310 (19) < Räpinä khlk. - J.Jagomann (1876). [Sama laulu dublett-teisend H, Jagomann 121 (7) märgib talletuskohaks Järvepää küla.]

Velekene noorõkõnõ,
noorõkõnõ, nõrgakõnõ,
olli mi or´ah, käve kar´ah,
olli mi or´ah Oseritsah,
käve kar´ah Kasaritsah.
Mis meele palgast pakuti,
mis meele hinnast heideti?
Palgast anti punda pakõlit,
katsi punda kanepit -
tuu meele palgast pakuti,
tuu meele hinnast heideti.
Löögeq meele lühü laulukõnõ,
kankõq meele kassin kõrrakõnõ!
Lühükene oll´ lastõ laulu,
kassin kõrd oll´ kanasil.
Kui mi naksi laulõmahe,
suuh olliq meil lastõ lauluq,
kassin kõrd oll´ kanasil.
Lühükene oll´ lastõ laulu,
kassin kõrd oll´ kanasil.