37. Mina tsirku söömätä.

SL 1211.
EKS 8° 3, 354 (3) < Räpina, Raadama k. - Joh. Hurt (1876).

Milles ma kuugu, kurvalinõ,
milles ma laala, leenäline?
Tsirgu jäi ilma söömätä,
lõõvõ ilma lõunõta,
selle ma kuugu, kurvalinõ,
selle ma laala, leenäline.

SL 1212.
EKS 8° 4, 232 (27) < Räpina, Kõnnu k. - J.Jagomann < Okse Tanilovits (1877).

Kuugu_ks päävä, lõõgu päävä,
kuugu_ks päävä korgõ'õhe,
lõõgu päävä lõunõhe,
tsõõri_ks suurdõ süümaigo!
Kotoh iks süvväs kuusi kõrda,
vele tarõh viisi kõrda,
mina_ks tsirku söömädä,
pääs´o päävä üvädä,
lõõvo ma_ks ilma lõunõda!
Kotoh iks süvväs kuusi kõrda,
vele tarõh viisi kõrda.
Neiokõnõ noorõkõnõ,
olõ[-i] mul osa otsijat,
olõ[-i] jao jagajat:
koolnuq mul osa otsija,
kaonuq jao jagaja!

SL 1213.
H I 10, 542 (19) < Vastseliina khlk. - K.Fluss (1896).

Süvväq taht iks süämekene,
juvvaq kulla kurgukõnõ!
Olõ-i süäme söödijät,
olõ-i kurgu joodijat.
Kos jäie süäme söödijä,
kohe kurgu joodija?
Maaha panti süäme söödijä,
ar kuuli kurgu joodija,
selle elä söömätä,
kulla kurgu joomata.