4. Rohke silmävesi.

SL 1146.
H I 8, 367 (11) < Vastseliina khlk. - J.Sandra < Mari Lõiv (1896).

Ku ma naka mõtõlõma,
mõtõlõma, ütelemä,
viiq silmile veerüseq,
tõõsõq sarnulõ satasõq.
Saa külä hobõstõ ojota,
valla varssu vallatõlla.
Sääl püüdväq pühäq sulasõq,
heitväq nuuta noorõmeheq,
võrku Võnnu poisikõsõq.
Mitu tuhat tulõnõssa,
mitu sada saienõssa?
Ütsi sai lutsu, tõõnõ maimõ.
Kohe n´ooq pandanõssa?
Panti kiimä padasõhe,
kullatsõhe katõlahe.
Saie kalaq keedetüs,
katlast vällä võetus,
panti perre lavva pääle.
Kutsuti süümä kodota neiuq,
ilma imäldä, armulda,
ilma pääldä pääs´okõsõq.