2. Vastus neiule ja poisile.

SL 1230.
EKS 8° 4, 301 (12) < Räpinä khlk. - J.Jagomann (1877). [Sama laulu dublett-teisend H, Jagomann 301 (12) märgib talletuskohaks Järvepää küla.]

Näiokõnõ noorõkõnõ
ütle-s ollõv olaluida,
kaasakõsõl kaalaluida.
Susi olliq sa umalõ suulõ,
kipõ olliq sa umalõ keelele -
milles minno naariq, neiokõista,
kuis tihksiq minno teotõlla?
Velekene noorõkõnõ,
säläh oll´ sul katski kas'kakõnõ,
pääl oll´ paigat palahun,
tuugi olõ-s sul umast kotost,
tuugi oll´ sul küläst küsüt.
Jalah oll´ sul jakatuq kaputaq,
pääl olli_ks pääditüq saapaq,
tuugi olõ-s sul umast kotost,
tuugi oll´ sul küläst küsüt,
tõisõlt talolt tahetu.
Velekene noorõkõnõ,
suust tulli sul sinine tuli,
kurgust kuvvõharalinõ.