20. Kost n´ooq säksaq siiä saanuq.

SL 1261.
H II 29, 773 (5) < Verska k. - J.O.Rütli < Avdotja (1901).

Imändit iks esändit,
kattõ kallist vanõmbat!
Kost n´ooq säksaq siiä saanuq,
s´oolõ ilmalõ esändäq,
s´oolõ vallalõ vanõmbaq?
Säksaq ummaq tulnuq tolta maalta,
tolta maalta torõhõlt
s´oolõ tulliq maalõ sitatsõlõ.
Kui naksi_ks siiä tulõma,
üle_ks jampsõq jahumäe,
üle sõkiq sõmõriku,
jalg jäi jahumäele,
jäiväq sõraq sõmõrikku.
Säksa_ks tulnuq tolta maalta,
koh oo puitsõq pullisarvõq,
hõbõhõtsõq hõhvasarvõq,
koh iks kurõq kulda seiväq,
kurõ_ks kulda, kanaq karda,
haniq haljast hõbõhõt.
Kui neeq tulliq s´oolõ maalõ,
s´oolõ_ks maalõ sitatsõlõ,
sääl olli_ks siidist hobõstõ silmäq,
kalõvatsõq ratso kabjaq.
S´oolõ tulli_ks maalõ sitatsõlõ,
siin neeq siidiq riisutivaq,
kalõvatsõq kakutivaq,
jäiväq sitaq hõbõstõ silmäq,
kanapasaq ratso kabjaq.
Imändit iks esändit,
kattõ kallist vanõmbat!
Kuulgõ_ks, kuulgõq, noorõmeheq,
kodo_ks, kolga kosilasõq!
Istõ ma, istõ, illos olõ,
sai_ks illos istujilõ,
sai ma vallus vahtijilõ,
illos saa ma herräle hinele!
Mis ti vahit, vargamokaq?
Mäntse_ks n´ooq noorõmeheq,
mäntse_ks kolga kosilasõq?
Hambaq kui rihapidimeq,
suu kui soe sitamulk,
vaht´va_ks kui varsamokaq,
kaevaq kui kakusilmäq.
Kodo mingeq ärä kuutõ tegemä,
rihavarsi valmistama!
Ammugi esä rehe pessi -
olõ-i kuuti kotoh,
rihavart vaja pääl!

SL 1262.
SKS Veske-Stein nr. 138 < Setumaa - V.Stein (e.a. 1872).

Imänditä, esänditä!
Kost no saksaq siiä saavaq,
imändäq s´oo[hõ] ilma?
Trai-tra-tralli, rai-ra-ralli!
Saksaq tulnuq muilta mailta,
imändäq tõisõst ilmast.
Trai-tra-tralli, rai-ra-ralli!
Üle tulliq kolmõ nurmõ:
üts oll´ rüänurm,
tõinõ [olli] nisunurm,
kolmas kinä kesvänurm.
Trai-tra-tralli, rai-ra-ralli!
Üle tulliq kolmõ mäe:
üts oll´ suur soolamägi,
tõsõst jõnksõq jahumäest,
kolmas iks oll´ kullamägi.
Trai-tra-tralli, rai-ra-ralli!
Läbi tulliq kolmõ mõtsa:
üts oll´ pedäjämõts,
tõinõ [olli] kõomõts,
kolmas [olli] pähnämõts.
Trai-tra-tralli, rai-ra-ralli!
Siididseq ollivaq hobõstõ silmäq,
kalõvatsõq hobõsõ kabjaq.
Trai-tra-tralli, rai-ra-ralli!
Säält iks ommaq saksaq siiä tulnuq,
imändäq siiä ilmunuq
siidi_ks vööllä, s´olka sälän.
Trai-tra-tralli, rai-ra-ralli!

SL 1263.
H II 32, 787 (18) < Räpina khlk. - J.Poolakess (1889).

Imändit ja esändit,
kattõ kallist vanõmbat!
Kui teid valda vaieldi,
kihelkonda kisoti, ....
Saaguq säksaq sandima,
sinisärgiq sitta vidämä,
punapüksiq puid ragoma!