23. Vilets külä.

SL 1266.
EKS 8° 4, 465 (31) < Räpina, Kõnnu k. - J.Jagomann < Okse Tanilovits (1877).

Velekene noorõkõnõ,
küläkene väikokõnõ,
mant kaiaq madalakõnõ -
kavvõst kaiaq kaunikõnõ.
Mine_ks mano, tõukaq maaha,
mineq ümbre, võtaq üskä!
Tarõq siin tukiga toetuq,
saan´aq saviga paag´atuq.
Siin omma_ks nõiaq nõgõssõh,
ala laka, aia all.
Naaseq siin aialõ asosiq,
latsõq saas´iq saibalõ,
mõtli_ks sõa sõidõvat,
vinne väe veerüvät.
Ega_ks s´oo sõda sõidaq,
ega veerüq vinne vägi -
s´oo_ks sõidi sõsardõ hulk,
siin käve kälüski park!

SL 1267.
H I 6, 288 (8) < Vastseliina khlk. - J.Sandra (1894).

Küläkene väikukõnõ,
till´okõnõ kui tähekene,
lää möödä kui mürkü,
rao möödä kui rauda -
nulgaq tukiga toeduq,
sainaq saviga paigatuq,
katusõq sissesadamisõl,
kooguq kundsa kukkumisõl,
laeq pääle langõmisõl.

SL 1268.
H II 3, 575 (92) < Vastseliina khlk. - H.Prants (1890).

Küläkene väikene,
mant kaiaq madalakõnõ,
ärä meid pakku paeku-i
mi helme helinät,
mi tele tirinät,
kaalaraha kahinat!
Siin ummaq küläq ku kerikuq,
küla aiaq ku alõvaq,
küläpoisiq poordisaksaq,
külänaaseq ku imändäq.
Siin ummaq kullatsõq tanomaq,
hõbõhõtsõq aiavitsaq,
vasitsõq värehtivarvaq.
Latsõq ikvaq ilosahe,
piniq haukvaq halõhõhe.