17. Musta naise mõskmine.

SL 1292.
EKS 8° 3, 380 (26) < Räpina, Raadama k. - Joh. Hurt (1876).

Ese võtt´ ilosa naase,
veli võtt´ verevä naase,
jätiq mullõ musta naase.
Mina musta mutsutõli,
luha veereh lotsutõli,
koh oja, sääl ojoti,
koh vesi, sääl viputi.
Nakas´ tikõ külmetämä,
väikene värisemä -
jäi mustas ku muud´ogi,
inetus ku innegi!

SL 1293.
H I 6, 212 (20) < Vastseliina khlk. - J.Sandra (1894).

Veli võtt´ iks verevä naase,
esä võtt´ ilosa naase,
mullõ jätiq musta naase,
kähhärpää kätte kääneti.
Veli lätt umaga kerikohe,
esä umaga umatsilõ,
ma lätsi umma ojotama,
musta mant mõskõma.
Nakas´ kuri külmetämä,
vana vaim värisemä.
Panni parsilõ piisümä,
lõhna pääle löügenemä.
Kukku kuri tuhkhauda,
sattõ sandi kivi pääle,
sis tä hinge heidäskelli,
must mullalõ minesi,
mullalõ minesi, kalmulõ kannõti.