9. Piitre_ks oll´ perädü rikas.

SL 1280.
H, Setu 1903, 572 (79) < Kolovinna k. - Jak. Hurt < Martini Ir´o (1903).

Laula_ks ma üte laulukõsõ,
isi ilokõrrakõsõ.
Piitre_ks oll´ perädü rikas,
Paavelel oll´ pall´o rahha,
aida täüsi aganit,
salvõ täüsi samblit.
Tulli_ks tuuli jumalist,
matal´ tuuli Marijist,
vei_ks tä aidast aganaq,
vei salvõsta samblõq.
Jäi sys Paavel pahatsõst,
Piitre naas´ peräh ikma:
"Pääkene_ks, pääs´okkõnõ,
koh um iks mu hüäkene?"
Seda laulu lauldakse vastuseks sellele, kes tõist käsib laulda, kuna see tõine laulda ei taha.

SL 1281.
SKS Veske-Stein nr. 32 < Setumaa - V.Stein (e.a. 1872).

Leelo, leelo leikarillõ,
leelo_ks leikari mäele!
Kel iks syna sysarõllõ,
Pete_ks-rille, Paavõlallõ!
Peter iks ülti perätü rikas,
Paavelal rahha pall´o,
(ja) aida täüs aganit,
kui läts naist võtma,
(ja) salvõ täüs samblit.
Tulli_ks tuuli jumalist,
ai_ks aganaq aidasta,
ai_ks sambõlõq salvõsta.
Paavõl läts´ takah pallõldõh
kübäräldä, kindõhilda,
ilma vüüldä, vüü oll´ peoh.

SL 1282.
H II 3, 578 (102) < Vastseliina khlk. - H.Prants (1890).

Piitre um põh´alda rikas:
nulga täüs um nuiõ,
aida täüs aganit,
salvõ täüs samblit.