10. Kurva mõrsja koolõtaminõ.(Talvistõpühi ilo).

SL 1329.
H, Setu 1903, 18 (8) < Helbi k. - Jak. Hurt < Miku Ode (1903).

a.

Koolõq, kurva mõrsija!
Kuuli ime, kuuli ese,
koolõq, kurva mõrsija!
Kuuli vell´o, kuuli sysar,
koolõq, kurva mõrsija!
Kuuli risti-ristämmä,
koolõq, kurva mõrsija!
Kuuli risti-ristesä,
koolõq, kurva mõrsija!
Kuuli linnu lelläkene,
koolõq, kurva mõrsija!
Kuuli linnu lellänaane,
koolõq, kurva mõrsija!
Kuuli oigõ unokõnõ,
koolõq, kurva mõrsija!
Kuuli oigõ unonaane,
koolõq, kurva mõrsija!
Kuuli tähe tädikene,
koolõq, kurva mõrsija!
Kuuli tähe tädimiis,
koolõq, kurva mõrsija!
Kuuli_ks hõim, kuuli sugu,
kyik iks kuuliq suurõq sugulasõq!
b.

Nõsõq, rõõmu mõrsija!
Eloh ime, eloh ese,
nõsõq, rõõmu mõrsija!
Eloh vell´o, eloh sysar,
nõsõq, rõõmu mõrsija!
Eloh risti-ristämmä,
nõsõq, rõõmu mõrsija!
Eloh rist-ristesä,
nõsõq, rõõmu mõrsija!
Eloh linnu lelläkene,
nõsõq, rõõmu mõrsija!
Eloh linnu lellänaane,
nõsõq, rõõmu mõrsija!
Eloh oigõ unokõnõ,
nõsõq, rõõmu mõrsija!
Eloh oigõ unonaane,
nõsõq, rõõmu mõrsija!
Eloh tähe tädikene,
nõsõq, rõõmu mõrsija!
Eloh tähe tädimiis,
nõsõq, rõõmu mõrsija!
Eloh iks kyik umadsõq,
nõsõq, rõõmu mõrsija!
"Sedä illo pidäväq tütrekuq. Nimäq ommaq tsõõrih, üts tütrek sais keskeh; tuu om mõrsja, rõivas pääl. Tõsõq tütrekuq käüväq ümbre mõrsja ja laulvaq sedä laulu, edimält "koolõtamist" (a). Egä laulusyna paari man vaos mõrsja iks inäb ja inäb kumarusi, timä koolõs. Viimse syna man (a 23. r.: kyik iks kuuliq suurõq sugulasõq) satas mõrsja kogoni maaha ja om koolnuq. Sys naatas laulu tõist puult laulma: "nõsõmist" (b). Egä laulusyna paari man nõsõs mõrsja iks inäb ja inäb üles, viimse syna man (b 23. r. : nõsõq, rõõmu mõrsija!) kargas timä kogoni pistü, om eloh, ni ilo om otsahki". Lauliku oma seletus.
Esimese värsijala otsas lükatakse väga sagedasti tuttav setu sõna "iks" vahele: koolõ_ks, nõsõ_ks, kuuli_ks, eloh iks.