5. Tsõõrilaul.

SL 1321.
H I 2, 675 (4) < Räpina khlk. - G.Narusk (1889).

Ime ehit´ tütteridä
sine-sitsi undrõkalla.
Mõtõl´ saavat mölderelle,
ilma-uhkõ esändälle -
tulõ vana tubakunõna,
sagõst sarvõkoputaja.
Toho hunti, toho tonti,
toho toonatsõq kuradiq!
Kost ti säärtseq vällä tullit,
külmä ilma kükitäjäq?
Imekene, memmekene,
ärä no minnäq, edo minnäq,
seltä maalta tollõ maalõ,
kos neeq kurõq kulda sööväq,
kurõq kulda, kanaq karda,
haniq hal´asta hõbõdat,
kodolinnuq linnassida.
Kõik saiq no mäeq mälehtämä,
kõik saiq no kingoq kittelemä,
kõik saiq oroq oigõlõma:
koh oll´ mäke, sääl oll´ mängu,
koh oll´ luhta, sääl oll´ lusti.
Inne kikast keedi ruvva,
inne ako anni süvväq.