1. Pühiq tulnuq.

SL 1355.
SKS Veske-Stein nr. 148 a ja 164 < Setumaa - V.Stein (e.a. 1872).

Kui tiiät pühiq tulõvat,
kalliq aoq astuvat,
sys vaja linnasõq likku,
ojja viiäq ollõteräq,
vaja umatsit kokko kutsuq.
Istõ sälgä hiirolõ,
veeri sälgä verevälle,
käve kutsmah kolm päivä,
synna vei viis päivä:
"Tulkõq sinnä kul´atama,
hot´ ma viina veidü tõi,
tei olut osa peräst,
viina hot´ üte toobikõsõ,
olut kats kannikõsta!"
Kui sys tulli kokko kul´atama:
"Ti ütlit: "Mi tii olut,
[mi tii olut] osa peräst,
tuu viina veidikese."
Olõ-i viina veidikese,
olt ei olõq osa peräst -
siin om viina viländ juvvaq,
olut viländ ostmalda,
siin om viina kui vett,
olt om nii kui oja juusk!
Juvva-i ilma ilolda,
saksa taari tandsimalda!
Aeh sedä humalat!
Hummal om üts hoorapoig,
kesväliim sii kelmilats:
kui sedä pruugitas,
nakas hummal hukutama,
kesväliim kiputama.