16. Jaani- ja piitrepäävä laul.

SL 1392.
H II 4, 191 (80) < Lobotka k. - Jak.Hurt < Maarja (1886).

Tulkõq Jaani tulõlõ*,
saagõq sau-lämmähe!
Ärä_ks toogõq toomõpuid,
ärä_ks saagõq sarapuid -
toomõpuul um tuli vihhas´,
sarapuul om sau mõro!
Toogõq vahtõrit valusit,
kõivopuida, hüvvi puida!
Jaan iks Järvo säksolanõ,
kaluvunõ poisikõnõ:
tohi-i tä tulõlõ tullaq,
saiaq sau-lämmähe.
*Piitrepäävä üteldäs: Tulkõq Piitre pinolõ.

SL 1393.
H, Setu 1903, 16 (5) < Helbi k. - Jak. Hurt < Miku Ode (1903).

Tulgõ_ks Jaani tulõlõ,
saagõ_ks Jaani saulõ!
Läke_ks luuda, veergeq vihta,
sys jää_ks mi Jaani tulõlõ,
saa_ks mi Jaani saulõ,
lää_ks mi Piitre pinolõ,
kuu_ks mi valul kul´atõllõ.
Lää_ks mi vihta vinnel,
lää_ks mi luuda loodsikul.
Üle_ks meil vii veerümine,
üle_ks meil mere minemine.
Lää_ks mi luuda hulgaga,
pahapall´o rahvaga,
tuu_ks mi luudõ Jaanilõ,
tuu vihto Piitrelle.
Üle_ks meil mere minemine -
tulõ_ks vesi vinnehe,
lopus iks vesi loodsikohe,
pääs´o, panõq sa_ks sinnä uma pää,
müü_ks mi hellädse hiusõ
üle_ks mere minnenäni,
üle_ks saarõ saienani.
Veerge_ks vihta, läkeq luuda!
Veeri_ks mi vihah, käve luvvah,
panõ-s iks umma pääkeist,
müü-s iks hellästä hiusta -
käve_ks mi, kullaq, kul´atamah,
armast iks aigu viitemäh.
Miä_ks näi mi minnenäni,
kua_ks mi kodo tullõnani?
Näi_ks mi vasidsõ vasigõ,
hõbõhõtsõ hõhvakõsõ
üle_ks tii minevät,
varikohe valavat.
Määntse näi_ks mi imme ilma pääl,
määntse näi_ks mi timbu tii pääl!

SL 1394.
H, Setu 1903, 365 (3) < Tsäältsüvä e. Tsäältsä k. - Jak. Hurt < Mat´o Nestorovna (1903).

Tulgõ_ks Jaani tulõlõ,
saagõq Jaani saulõ!
Sys mi kokko kogosi,
sai_ks kullaq üttekokko,
mar´aq tõnõtõsõ mano.
"Siiä jakatas mitmõsugutsit muid laula mano. S´oo um õnnõ alostus".