1. Mõrsja laul imäle. [Mõrsjaikk imäle.]

SL 1408.
H, Setu 1884, 427 (8) < Teaste k. - Jak.Hurt < Teaste Saava (1884).

Maamakõnõ armakõnõ,
kui ma_ks keerä kerikohe,
kui ma astu altrõhe,
panõ_ks ette hobõsõ,
panõ virga vehmrehe,
lää_ks ma küünelde külele,
vaha valgõ var´olõ,
lää_ks ma papi palvuistõ,
koolilastõ kumaruistõ -
jäät sa_ks kodo, kullakõnõ,
jäät majja, mar´akõnõ.
Ärä_ks sa mul andit arvaku-i,
kaputit kattõ kimpu,
kindit kolmõ kimpu!
Kui sa_ks mu andõq arvat,
kapudaq panõt kattõ kimpu,
kindaq panõt kolmõ kimpu -
maamakõnõ armakõnõ,
kui ma_ks tulõ kodo, kullakõnõ,
tulõ majja, mar´akõnõ,
kui ma_ks keerä kirstu mano,
astu annivaka mano,
kui ommaq andõq arvaduq,
kapudaq katõh pääh -
ärä lahkõs mu süämekene,
paugahus pardsi meelekene!