2. Kohe läät sa, neiokõnõ?

SL 1409.
H III 29, 870 (10) < Setumaa - M.Evert < Juuli Pille (1901).

Sõsarõkõnõ_ks armakõnõ,
keä_ks tsõõri sõsarõkõnõ,
keä_ks meelimar´akõnõ -
kohe läät iks sa, neiokõnõ,
kaalut, ime kabokõnõ?
Neio läät iks sa ello essütämä,
neio muudu mutitama.
Neiokõnõ_ks noorõkõnõ,
noorõkõnõ, nõrgakõnõ,
läät iks sa pappi pallõma,
koolipoissa kumardama!
Neiokõnõ_ks noorõkõnõ,
noorõkõnõ, nõrgakõnõ,
sitast ütlit iks sa siidi elo,
ärä vannõt vanigo elo!
Neiokõnõ_ks noorõkõnõ,
noorõkõnõ, nõrgakõnõ,
tahtsõt iks sa liina linikele
ja turu tuudulõ!
Neiokõnõ_ks noorõkõnõ,
noorõkõnõ, nõrgakõnõ,
edo_ks sino meelekest,
sino pääs´o pääkest -
kulla läät iks sa umasta kotost,
virve umasta velistest!
Neiokõnõ_ks noorõkõnõ,
noorõkõnõ, nõrgakõnõ,
läät iks sa võõra veerele,
kulla võõra kotussõlõ,
uma jätä_ks sa kodo jumalaga,
uma maja Mariaga!
Neiokõnõ_ks noorõkõnõ,
noorõkõnõ, nõrgakõnõ!