3. Esäle ja imäle.

SL 1455.
H, Setu 1874-1877, nr. 129 < Setumaa - J.Jagomann (1874).

Esekene_ks mu helläkene,
(esekene_ks mu armakõnõ,)
imekene_ks mu armakõnõ!
Esekene_ks sa viina isosiq,
imekene_ks sa kängi ihasiq -
jõie_ks viina sa verevä,
jõie_ks mamma sa magusa,
olõ-s sul hallõ andõh,
olõ-s sul kallis kaubatõh!
Esekene_ks helläkene,
maamakõnõ_ks, mar´akõnõ,
ese, olli_ks sa viina isonuq,
ime, olliq sa_ks olut janonu?
Eski olle_ks teil puuh poodiraha -
võtnu_ks ti vakast vanna rahha,
ollõ toonu_ks ti umma kodo,
viina_ks toonuq ummi velisi[he],
müünü-s õks minno, näiokõist,
kaubanu-s õks minno, kabokõist!
Ime_ks, sa kängi ihasiq,
ime_ks, sa sallõq saapit -
kätte sai_ks kängäq sul ihaduq,
kätte sai_ks saapaq sul salliduq,
kängäq panõ_ks sa aita orrõ pääle,
saapa_ks panõq salvõ veere pääle!
Imekene_ks helläkene,
tulõt õks sa üles hommongulta,
varra tul't õks inne valgõta,
haarat õks sa vaja hanikõist,
tunnõt õks sa vaja tuvikõist,
astut sa_ks aidalõ mäele,
pääle aida päälikolõ -
naka_ks sa kängi käskimähe,
naka_ks sa saapit saatmahe!
Lää-i sul õks kängäq käskeh,
lää-i sul õks saapaq saatõh -
näio_ks, ma käve käskmäldä,
näio_ks, ma astõ ajamalda!
Esekene_ks helläkene,
imekene_ks armakõnõ,
kuis teil õks olõ-s hallõ andõh,
kuis teil õks olõ-s kallis kallutõh?
Minol om õks hallõ ärä minnä,
kullal õks umasta kotosta!

SL 1456.
EKS 8° 4, 450 (3) < Räpina khlk. - Joh. Hurt (1877).

Maamakõnõ mu armakõnõ,
maamakõnõ mu kallikõnõ!
Mille möiet, maamakõnõ, sa mino, näiokõsõ,
mille kauplit, maamakõnõ, sa mino, kabokõsõ?
Kui es olõq, maamakõnõ, ma sul armas andõnah?
Mul om iks, maamakõnõ, hallõ siist ärä minnä,
kuri om mul, maamakõnõ, mul minnäq umast kotost,
rassõ om mul, armakõnõ, mul minnäq umast rahvast!
Mino kull´a tätä[kene], mu armakõnõ,
mino kull´a tätä[kene], mu kallikõnõ!
Kui, kull´a tätäkene, mul kosjaq kodo tulliq,
sina_ks ütlit, tätäkene, naaq hobõsõ-ostjaq,
sina_ks ütlit, tätäkene, naaq kar´akauplõjaq!
Ega olõ-s, tätäkene, no hobõsõ-ostjaq,
ega olõ-s, tätäkene, no kar´akauplõjaq -
neiol olli_ks, tätäkene, ostjaq küll tarõhna,
nuu_ks minno, tätäkene, nuuq kõõni küsseväq.
No_ks ommõ, tätäkene, mul miil muial minnä -
mul panõq, tätäkene, sa palk paja pääle,
mul panõq, tätäkene, sa hind hirre pääle:
mul iks anna, tätäkene, sa lehm lyialinõ!