33. Ristimäle. B.(Sajapäeval.)

SL 1530.
H I 10, 226 (4) < Ulaskova k. - J.Sandra < Ulaskova Nasta (1896).

Mino kulla ristämmäkene,
vaja olli sul tullaq kykõ varahappa,
aig tullaq aiksappa:
mõista-i mul imä kirstu säädäq,
annivakka avvustõlla!
Kirst mul viiäs kinnä küllä,
annivakk au-alõvahe -
tulnu sa_ks mu kirstu kitjäs,
astnuq vaka avvustajas!
Eski tiidseq mu tegemisi,
eski kuuliq mu kudamisi:
kotoh koi ma veidü kuusi sainu,
velisih veidü viisi sainu -
selle mul vajja kirstu kitjät,
annivaka avvustajat!

SL 1531.
H II 3, 74 (66) < Hilana k. - H.Prants < Vasila Taarka (1889)

Tulõq, ristämmäkene, sa mullõ lähkuhe,
kallu, r., ma sullõ kaala ümbrele,
nõsõ, r., ma sinolt nõudmahe,
küünü, r., ma sinolt küsümähe:
kas um sul, r., paigah tuu papõr,
kas um sul, r., kirstuh tuu kiri,
kohes olõ, r., ma kirjä kirotõt,
kohes olõ, r., ma pant paprõhe?
Kiräq ülti, r., mul ärä kaovat,
paprõq ülti, r., mul ärä palavat -
kiräh ummaq, r., arvuh mu ajastagaq,
paprõh um, r., üleväh mu igä!
Sina veiq, r., mu vii kerikost,
sina veiq mu mõskõq mähkmist,
minno veiq, r., sa üsäh üle vete,
minno veiq, r., sa puuh üle purrõtõ.
Mändsehe, r., sa minno kirja kirotõlliq,
mändsehe, r., sa minno panniq paprõhe?
Naistõ kirjä, r., sa minno kirotõlliq,
naistõ arvu, r., sa panniq paprõhe!
Lühendus r. on = ristämäkene