42. Truuskaks kutsumine.

SL 1548.
H, Setu 1874-1877, nr. 56 < Puugnitsa k. - Joos.Hurt < Usti (1874).

Velekene armakõnõ,
velekene kallikõnõ,
sullõ lää, näiokõnõ, jälle lähkohe!
Nakaq mullõ saaja saama,
nakaq hähki tulõma -
tulgu sa mullõ truus´kas,
saaq saja vanõmbas!
Hot´ mul suuh suurõmbit,
hõimuh hõpõkübärit,
pall´o johus joodikit,
putus viinapruukijit.
Sa olõt selge sõnolõ,
sa olõt julgõ jutulõ:
suur olõ ma so sõnno pääle,
julgõ sino jutu pääle.
Tulõq kirstu kihlama,
annivakka kauplõma!
Olõ ma näio vaenõlats,
ilma esedä kananõ,
ega olõq mul kirstu kihlajat,
annikaanõ kauplõjat!