45. Poisile, kellel nekrutipõlv ees.

SL 1553.
H, Setu 1874-1877, nr. 26 < Puugnitsa k. - Joh.Hurt < Usti (1874).
Sullõ lää ma, velekene, näio, lähkohe,
mano lää ma, velekene, meelimar´akõnõ!
Lasõ ma kae meelestäni,
uma kae ma meele poolõstani:
ummõ sul säläh sinisärki,
pääh ummõ sul kööritü kübärä.
Mille sul säläh sinisärki,
pääh sul kööritü kübärä?
Olõt sa esel illos poig,
käsikannõl kandjal,
saasi sust sõah sõidupoiss,
sust saasiq kuninga kutsar,
selle ummõ sul säläh sinisärki,
maani massakarvalinõ.
Määnes sul elo ette tulõ,
määne tõsõs tõnõ põlvi?
Ette tulõ elo ikulinõ,
latsõ elo leinalinõ,
veerüs sul silmäveeline.
Velekene armakõnõ,
velekene kallikõnõ!