46. Poisile, kes ju nekruti kirjas.

SL 1554.
H, Setu 1874-1877, nr. 137 < Obinitsa k. - J.Jagomann (1874).

Velekene_ks noorõkõnõ,
noorõkõnõ_ks, armakõnõ,
armakõnõ, kallikõnõ!
V., lähüneq sa_ks mino lähkohe,
kulla, tulõ_ks sa mino kottalõ -
v., suqka naka_ks ma kõrda kõnõlõma,
armas juttu ajamahe!
V., sul om iks nimi syakiräh,
palõ_ks vainu paprih -
v., sul om iks pelgü Pihkva liinast,
om hirmu herräst, esändist:
v., kuri om iks nu lugu kuningast,
hirmus om iks lugu herrädest,
vaiv om valla vanõmbist!
V., umma sa_ks kulda kulutagu[-i],
umma sa_ks vaskõ vaotagu[-i] -
v., kuld iks hoiaq sa viiäq kuningihe,
vask´ iks hoiaq sa viiä vanõmbihe:
v., pästät sa_ks uma pääkese,
ostat iks hellätse hiussõkõsõ!
V., mullõ anna-s sa ütte tengä,
kattõ tengä kallutõlõ-s!
V., ülä saa_ks ma suurdõ sukku,
sat(t)a võiva võsassõ -
v., s´ooga naka ma_ks turuh tunnistama,
s´ooga alõvih arvama,
v., s´ooga naka ma kutsma kulatskilõ,
naka ma_ks petmä pi[i]tnäle.
V., ait´uma_ks mullõ andõmast,
tervenä_ks hüä tegemäst,
velekene armakõnõ,
armakõnõ, kallikõnõ!
Lühendus V. on = velekene.