50. Pillimehele. B.(Sajapäeval.)

SL 1560.
H II 4, 215 (90) < Treski k. - Jak.Hurt < Hemmo, Ivani naine (1886).

Velekene sa armakõnõ,
velekene sa kallikõnõ,
sullõ tulõ jäl iks ette ikkõh,
kottalõ tulõ kumardõllõh!
S´oost olõq sa_ks terveh, ait´uma,
terveh hüä tegemäst:
ku kuuli_ks mu sajaq saavat,
kaasigõq kalluvat,
sys sait iks saaja minolõ,
kallut saaja kabolõ,
kinnä tullit iks kiika lüümä,
priskit iks pilli puhkmahe!
Velekene noorõkõnõ,
noorõkõnõ, nõrgakõnõ,
löögu-i kannõld kaasikillõ,
löögu-i pilli peiolõ -
kannõld iks lüüq mino kaejillõ,
pilli lüüq ilopidäjille!
S´oost olõ_ks terveh, ait´uma,
terveh hüä tegemäst!
Kui naksiq mul sajaq saamahe,
kaasigõ kallumahe,
tuud iks ma pelgü pelksi,
tuud murõht murõhtõlli,
õt olõ-i_ks kabol kaejit,
vao takast vahtjit!
Ku ma_ks olli näiokõnõ,
ku ma kasvi kabokõnõ,
sys taha-s kabo kaejit,
taha-s näio nägijit.
Ku astõ_ks, näio, au pääle,
liidi, näio, leeme pääle,
sys taha ma kabo kaejit,
taha näio nägijit!
Velekene mu armakõnõ,
velekene mu kallikõnõ!