53. Ilusale ja targale poisile, kes neiut ei ole võtnud.

SL 1569.
H, Setu 1874-1877, nr. 135 < Obinitsa k. - J.Jagomann (1874).

Velekene_ks armakõnõ,
armakõnõ_ks, kallikõnõ!
Velekene, olõt sa_ks illos hiussin,
paha-illos palgõn -
v., sa sünnüt iks puuti istumahe,
kaalukaplu_ks kandõmahe:
v., sa mõistat iks veidi vinne kiiltä,
raasakõsõ ranna-kiiltä,
v., tulõ-i sul petet Pihkvasta,
võlssi tulõ-i sul Võrosta.
V., sullõ_ks ma ihksi ellenäni,
kasvi üles kasvoni,
v., sinno ütli ma_ks umas üläs,
sinno kai ma_ks umas kaasas -
v., ilma olli_ks mul ihkaminõ,
as´anda mu jutuajaminõ!
V., armastiq sa minno, jätiq mino,
tahtsõq sa minno, vihasiq mino!
V., mullõ anni_ks sa puust pumaskit,
seest sinipapõrita,
v., olõ-i su kuld kuud nännü,
ei su pälling päivä nännü -
v., tennä_ks sinno üle kygõ:
ait´uma_ks mullõ andõmasta,
terveni_ks hää tegemästä!
Lühendus v. on = velekene.