59. Neiule, kellel kenad kirjad.

SL 1586.
H III 29, 915 (3) < Setumaa - M.Evert < Juuli Pille (1901).

Sõsarõkõnõ_ks armakõnõ,
sõsarõkõnõ kallikõnõ,
mullõ tulõt iks sa ette ikkõh,
kottalõ jalga kumardõh.
Kinäq omma_ks sul kiräkäekeseq,
priskiq pilosõrmõkõsõq,
kerigu_ks sa üles kirotat,
alõvi üles alostat,
kerigu päält iks sa kirju teit,
alõvi päält kirä alostõllit.
Sõsarõkõnõ_ks armakõnõ,
sõsarõkõnõ kallikõnõ,
s´oo_ks ma kõrralda kõnõli,
as´anda juttu aie -
kerikot iks sa üles kirota-s,
alõvit üles alosta-s.
Sõsarõkõnõ_ks armakõnõ,
sõsarõkõnõ kallikõnõ,
peio hamõ[h] jäi_ks pilotamalda,
nao hamõ[h] jäi narmamalda.
Sõsarõkõnõ_ks armakõnõ,
sõsarõkõnõ kallikõnõ!