63. Neiule, kes vaenelaps.

SL 1595.
H III 29, 917 (4) < Setumaa - M.Evert < Juuli Pille (1901).

Sõsarõkõnõ_ks armakõnõ,
sõsarõkõnõ kallikõnõ,
sullõ_ks ma kundsõni kumarda,
maani maalõ varbini!
Sinno tunnõ_ks ma ettetulõkist,
arva etteastmisõst.
Sõsarõkõnõ_ks armakõnõ,
sõsarõkõnõ kallikõnõ,
sino tunnõ_ks ma vaesõlatsõ,
ilma imeldä kanasõ:
sõrmõ heidi su sõlõ pääle,
käe ohu ola pääle,
sino löüse ma hammõ likõ -
sõsarõkõnõ_ks armakõnõ,
sõsarõkõnõ kallikõnõ,
säält tunnõ ma_ks su vaesõlatsõ,
ilma imeldä kanasõ!
Sõsarõkõnõ_ks armakõnõ,
sõsarõkõnõ kallikõnõ!

SL 1596.
H II 3, 53 (38) < Setumaa - H.Prants (1889).

Sullõ, sysarõkõnõ, ma jalga kumarda,
sullõ, s., mari, maalõ heidä!
Ette tulliq, s., sa ilosakõnõ,
mano tulli, s., sa mar´a-näolinõ.
Kavvõst tunnõ, s., ma vaesõlatsõ,
kavvõst tunnõ, s., ma kaiholitsõ -
läbi näe, s., ma ikutsidõ silmi,
alta näe, s., ma kütse kübärä:
likõ um, s., su linanõ hamõh,
likõ um, s., su pihta peenikene.
Ärä olõt, s., sa vaenõlats,
alta ilma, s., sa armõdukõnõ,
kuast saani, s., sul esä är kuuli,
kuast saani, s., sul ime kalmu läts,
armuandja, s., sul alasi,
hirmuandja, s., sul heräsi.
Miä anna, s., ma sullõ armalõ,
miä kaksõ, s., sullõ kallilõ?
Sullõ_ks, s., ma anna uma au,
sullõ_ks, s., ma liida uma leeme.
Huulgu-i, s., mu avvu hoitõh,
peläku-i, s., mu avvu piteh -
ku_ks, s., ma keeri kerikuhe,
ku_ks, s., ma astõ alõvahe,
kittu läts, s., sul iih kerikuhe,
au läts, s., sul iih alõvahe!
Ärä angu-i, s., sa ummi andit,
mullõ puutku-i, s., sa ummi puutit -
kos´aq jäieq, s., sul kolka eht´mähe,
viinaq ummaq, s., sul vallah valmiq,
esi um vajja, s., sul andit!
Kost võtat, s., sa vaesõkõnõ,
kost annat, s., sa armõdukõnõ?
Lühendus s. on = sõsarõkõnõ.