67. Noorikule, kes hilja aja eest mehele saanud.

SL 1601.
H III 29, 930 (12) < Setumaa - M.Evert < Juuli Pille (1901).

Sõsarõkõnõ_ks armakõnõ,
sõsarõkõnõ kallikõnõ,
sullõ no_ks kundsõni kumarda,
maani maalõ varbini!
Sõsarõkõnõ_ks armakõnõ,
sõsarõkõnõ kallikõnõ,
esi olõt sa eelä ehitet,
toona olõt sa turusta tuudu.
Sõsarõkõnõ_ks armakõnõ,
sõsarõkõnõ kallikõnõ,
no ütle_ks sa mullõ ülä õigus,
kaibaq ülä kavalus!
Ülä üldäs no üsäh hoitvat,
kasa kaalah kandvat.
Sõsarõkõnõ_ks armakõnõ,
sõsarõkõnõ kallikõnõ,
olõ[-i] iks õigõ, miä ülti,
olõ-i kõrrah, miä kõnõldi -
ega_ks ülä üsäh hoia-i,
ega_ks kasa kaalah kanna-i!
Sõsarõkõnõ_ks armakõnõ,
sõsarõkõnõ kallikõnõ,
neio, saa_ks ma sinnä saanus,
pardsikõnõ sinnä paigalõ,
saa_ks ma nätäq sis, neiokõnõ,
saa_ks kaiaq, kabokõnõ.
Sõsarõkõnõ_ks armakõnõ,
sõsarõkõnõ kallikõnõ!