68. Podruskitele.

SL 1602.
H, Setu 1884, 75 (15 i) < Kran´tsova k. - Jak.Hurt < Darja Petrovna (1884).

Sõsarõkõsõq armakõsõq,
sõsarõkõsõq kallikõsõq,
ti jäät iks no perrä elämä,
kabokõsõs kasuma -
kui läät ti_ks marja mäele,
lääte pallo palohkahe,
sääl iks ti minno mälehtelgeq,
linnu nimme liigutõlgõq!
Kui tulõ_ks päivä pühäne,
kaalus kallis aokõnõ,
kui ti_ks keerät kerikohe,
kui ti astut alõvahe,
mano_ks ti tulgõq turu pääl,
mano astkõq alõval!
Agu_ks ma tihka-i tehrütädä,
agu tohi-i tunnistada?
Ti tulgõ_ks mano turu pääl,
astkõq mano alõvah -
ti_ks tihkat tehrütädä,
ti tohit tunnistada!
Sõsarõkõsõq armakõsõq,
sõsarõkõsõq kallikõsõq,
ärä_ks tiqki nii teku-i,
kui tei mina, neiokõnõ,
teie, kassuj kabokõnõ:
naksi_ks varra valmistama,
inneaigu ehitämä!
Jummal tiid, jumalakõnõ,
Mari teenes madalikku,
määne saa_ks minost meeste nainõ,
noidõ poissa nooriko?
Pihta_ks mul ülipeenikene,
olga üli-ohkõnõ!
Jummal tiid, jumalakõnõ,
määne mul iks elo isk´nes,
tõõnõ põlvi tõsõnõs?
Sõsarõkõsõq armakõsõq,
sõsarõkõsõq kallikõsõq,
olgõ_ks ti kavva kabokõsõh,
inämbä ti_ks neiona elägeq,
kui_ks mina, neiokõnõ,
kui ma, kassuv kabokõnõ!
S´oo ütle ma_ks süü ese pääle,
viha noorõ vele pääle.
Sõsarõkõsõq armakõsõq,
sõsarõkõsõq kallikõsõq,
kui_ks teil kosjaq kodo tulõ,
viirdväq viinaq velisille,
kotost minge_ks är kosjo aigu,
velilt viino aigu!
Innemb mine_ks ärä kütüst kündmä,
sõsar, syyrdu ragoma,
raha-jätäq-rätti lavva pääle,
viinapikri paja pääle!
Ärä sa aita paeku-i,
tõistõ tarrõ taaku-i -
aidast iks vällä andanõtõq,
tõisõst tarõst taadõtat!
Pakõ_ks sa mehiste sisse,
vahalaistõ vaihhõlõ,
säält iks saa-i nätä neiokõst,
kavata-i kabokõst -
sys jäät iks kodo kaugumbas,
viibähüdeq velisihe!