9. Velenaisõlõ.

SL 1468.
H II 4, 57 (18) < Laossina (Liiva) k. - Jak.Hurt < Parasko, Ignatsi nainõ (1886).

Velenaasekõnõ mu armakõnõ,
velenaasekõnõ mu kallikõnõ,
kui mullõ_ks naaq kos´aq kodo tulliq,
kui mullõ viinaq kodo veereq,
mino kiilnüq sa_ks ese, kiilnüq ime,
mino kiilnüq vanõmbaq mõlõmbaq,
kotost käsknüq sa viiäq kos´arätiq,
velisista viinarätiq -
kodo sund´nuq mu_ks ütestä suvõsta,
kodo kiildnüq mu ütest keväjäst!
Velenaasekõnõ mu armakõnõ,
velenaasekõnõ mu kallikõnõ,
kui lätsi mi_ks põldo põimmahe,
kaldo nurmõ kasimahe,
kui naksi_ks sa ullõ uinutama,
meeletümät meelütämä,
jätä-s ma saart saismahe,
sullõ jätä-s vako vaht´mahe:
otsa lätsi ma kõõ osaga,
otsa veere ma kyiki virgestega.
Kui läät no_ks ullõ uinutama,
meeletümät meelütämä,
sinol jääse sys saar saismahe,
sinol jääse vago vaht´mahe,
velenaasekõnõ mu armakõnõ,
velenaasekõnõ mu kallikõnõ,
sys haarat iks sa vaja halusahe,
minno tunnõt iks sa vaja tulusahe!