16. Neiu laul ja naiste laul.

SL 716.
H I 10, 528 (8) < Tsilli k. - K.Fluss < Nasta, Tepo naane (1898).

Olõ-i mul hellü laulõda,
ei suud sõnno üteldä.
Naakõ_ks, näioq, laulõma,
kullakõsõq kuugutama,
uutu-i poissa laulõmahe,
linikpäidä leelotama!
Näio helü_ks heledämb,
naistõ kumu kumõdamb.
Kohe_ks kuuldu naistõ kumu,
naistõ helü hiitüsi,
sinnä_ks mõts murdusi,
padi mõts pa[i]nnusi
ilma noorilda mehildä,
terävilda kirvõhilda.
Kohe kuuldu näio kumu,
kabo helü hiitüsi,
sinnä kütsi_ks kütseq mar´aq,
palliq palohkaq vereväq
ilma_ks tuulõ puhkumata,
päävä päälepaistõmata.

SL 717.
EKS 8° 4, 418 (2) < Räpina, Kõnnu k. - J.Jagomann < Okse Tanilovits (1877).

Hää_ks laulda õdago:
õtak iks hääle Virro vei,
kanni kumu kavvõtahe!
Kohe_ks kuuldu näio kumu,
kohe heitü näio helü,
sinnä_ks küdsiq kütseq mar´aq,
veerät´ mar´aq vereväq.
Sai_ks pall´o palohkit,
sai liiga linohkit:
suu sääl iks sinet´, maa veret´,
suu_ks sinet´ sitikit,
maa veret´ maasikit.
Kohe_ks kuuldu naistõ kumu,
kohe heitü naistõ helü,
sinnä_ks mõtsa maalõ murt,
laasik maalõ langõnõsi
ilma_ks noorita mehitä,
terävitä kirvita.
Puuq iks riita lühesiq,
hirreq pakalõ panõsiq.

SL 718.
EKS 8° 3, 415 (13) < Räpinä, Naha k. - Joh.Hurt < Höödo naane (1876).

Hää laulda õdangul,
paremb vilul veerätädä:
õtak vei hääle villu,
kand´ kumu kavvõtõhe.
Hääle heite hirremõtsa,
painu hääle palgimõtsa:
hirreq maalõ heitünessä,
palgiq maha paan´ahtuvaq
ilma noorita mehitä,
terävätä kirveta.