9. Kaegõ no, veleq, häälesida!

SL 690.
EKS 8° 4, 344 (36) < Räpina, Kõnnu k. - J.Jagomann (1877). [Sama laulu dublett-teisendi H, Jagomann 145 (20) järgi on laulik Ado Nuul, Vastseliina khlk.].

Kaegõ no, veleq, häälesida,
minetelge meelesida:
kas mi hääleq häste lääväq,
kurguq kääväq kumõ'õhe?
Meil om ostõt häälekene,
kostõt kulla kurgukõnõ -
häälest ma anni häräpaari,
kurgust kullatu ubina.
Kaegõ no, veleq, häälesida,
minetelge meelesida:
kas mi hääleq häste lääväq,
kurguq kääväq kumõ'õhe?
Laulkõ no_ks, vel´oq, toda laulu,
miä meil meelestä parembi!
Laulkõ no_ks lauta mäele,
tantsige talli tasatsõlõ,
sisse no_ks siiditseq hobõsõq,
sälgä saaritsõq sadulaq!
Kiä no_ks sälgä istunõsi,
kiä saistas sadulalõ?
Mul om no kotoh väiko vel´o,
tuu no sälgä istunõs,
tuu saistas sadulalõ.
Velekene noorõkõnõ
panni no_ks ette tuu hobõsõ,
tuu virga vemberehe:
olõ-s tä iä ette saanu,
sada suvvõ sadulahe;
püsü-s täl putsaj puusa pääl,
vihalehes lihe pääl;
taivast tuu hopõn haina sei,
vikahtkaarist vii jõi.