11. Sööma minnes. A.(Vakanaised laulavad).

SL 1719.
H II 4, 396 (166) < Ugareva k. - Jak. Hurt < Kriisa Kati (1886).

Angõq andis, meid pall´o tull´,
pall´o tull´, liiga sai!
Näiol um iks hõimu pall´o,
hõimu pall´o, sugu suur.
Kualgi tahtu-s kodo jäiäq,
mar´akõsõl umma majja:
üteh tahtsõ_ks mi kirstuga keerdäq,
üteh tahtsõ vakaga vallaq!
Langukõsõq, linnukõsõq,
madalikuq mar´akõsõq,
ummi ti pinke pikendelgeq,
ummi laudo laiutõlgõq!
S´oo_ks mi kõrralda kõnõli,
jutu ai as´anda -
või-i_ks pinke pikendäq,
või-i laudo laiutõlla,
mi_ks esi kippa kitsahe,
mi litsu ligibähe.
Ti jäl pitsitägeq piimäliudo,
ti jäl litskõq lihaliudo!