39. Pärast annete liuda panemist.

SL 1761.
H II 4, 247 (106) < Treski k. - Jak. Hurt < Hemmo, Ivani naine (1886).

Edo_ks liud lihosi,
edo kuhi korgõsi -
edo sul hüvvi umatsit,
kabol hüvvä kallist hõimu!
Olõt iks sa kodo kullõlnu,
olt pereht pelänü,
varinu_ks vanõmbit.
Läät iks kui mõskma mõõlu viirde,
läät kolk´ma kunnu viirde,
kität iks leemelinikit,
avvustat iks auhammit:
"Edo mul leemelinikit,
armal auhammit,
edo mul hüvvi umatsit,
kabol hüvvä kallist hõimu!
Ku ma_ks astõ au pääle,
ku ma liidi leeme pääle,
olõ-s näil hamõht hallõ,
olõ-s kallis kapu(h)tit -
mullõ panniq nääq kuh´a korgõhe,
andõq panniq nääq arvamada,
kyõ panniq iks mõsu mõskmast,
kalõ kuiva kolk´mast.
Ku ma olli näiokõnõ,
ku ma kasvi kabokõnõ,
hot´ naa_ks teiväq kur´a mõsu,
hot´ naaq havviq halva püügi,
kyõ lätsi_ks ma mõsku mõskmahe,
kalgõ kuiva kolk´mahe.
Mullõ panti no_ks liuda linigeq,
mullõ anti auhammõq -
mullõ_ks palgast pantigi,
mullõ hinnast heidetigi!"