8. Mis ti kavva kotoh olliq?(Peigmehe kaasikud laulavad.)

SL 1716.
H, Setu 1884, 90 (18 II) < Kran´tsova k. - Jak. Hurt < Darja Petrovna (1884).

Neio_ks ime helläkene,
neio maama, mar´akõnõ,
mis ti_ks kavva kotoh olliq,
ao viidiq velisih?
Edi haara-s sa vaja hanikõist,
tunnõ-s vaja tuvikõist,
selles sa pia perrä tulõ-s,
sedämaida siiä saa-s?
Kae_ks sa, ime, meelestäni,
kaeq meele poolõstani,
kas om taa_ks tuu näolinõ,
virve tuu vereline,
minka sa_ks eelä kotost saadiq,
meelimar´a omast majast,
vai om inämb ikulinõ,
meelest meelepahalinõ?
Ime_ks lausi meelestäni,
lausi meele poolõstani:
"Teno_ks [olguq] jumalallõ,
au maalõ Marijallõ,
edo_ks minol meeli hüä,
meeli_ks hüä, keeli kerge:
om iks jo paika minno pite,
asõ mullõ arvolinõ!"