7. Eksinud mõrsjale, kes eksitajaga abielusse astub.

SL 1780.
H, Setu 1903, 206 (98) < Helbi k. - Jak. Hurt < Miku Ode (1903).

Kuulõ_ks sa, tsõõri tsõdsõkõnõ,
mõista_ks sa, meelimar´akõnõ:
kui sa_ks olliq neiokõnõ,
kui_ks sa kasviq kabokõnõ,
hindä pei_ks sa hoonoh hummogul!
S´oo_ks mi sinolõ ütle,
sullõ_ks mi mar´alõ manidsõ:
saanuq sa_ks paika parebahe,
asõmõhe armappa,
olnu_ks sul au alalõ,
leemi olnuq sul iks linahiussõh -
asõ saanuq sullõ_ks avvu pite,
leemi saanu_ks sul linahiust pite!
Umal teiq sa_ks ullil pääl,
rumalil mõttil!
Olõs olnuq sa_ks kotoh, kullakõnõ,
aita_ks sa asõmõ säädnüq,
pähüts- pannuq sa -pad´a päälikohe,
tennüq sa_ks aita asõmõ,
pannuq sa_ks pääle neio pad´a,
hõlma saanu-s võtma vyyrit,
suud iks sa annu-s sulastõga,
sys saanu-s iks kar´usõq kakma,
valla saanu-s poisiq vass´ma!
Olt sa_ks elost essünnüq,
umast olt sa_ks muust mutt´unnuq.
Sedä või-i sa ikkõq ime pääle,
sedä või-i sa kuuku kulla pääle,
pääs´o, ütleq sa_ks uma pää pääle:
s´oo tekk´ iks su pääs´o pääkene,
osja, teiq sa_ks umil mõttil -
häü- tei_ks sa -hällü tarrõ,
kahjo- tei_ks sa -kablaq katussõhe!
Häü- tennü-s kui -hällü tarrõ,
kah´o- tennü-s kui -kaplo katussõhe,
sys tulnuq sullõ_ks viinaq viisi pooli,
tulnu_ks kos´aq kuusi pooli.
Kuulõ_ks sa, tsõõri tsõdsõkõnõ,
küünü_ks mi sinolt küsümä,
nõsõ_ks sinolt nõudma!
Kuulõ_ks, hüä tsõdsõ ülä,
kallis hiuss, tsõdsõ kasa,
kas sinno_ks peti pehme asõ,
hapu_ks taar har´otõlli?
Ega_ks no petä-s pehme asõ,
hapu_ks taar har´otõllõ-s,
pett´ iks nuur neiokõnõ,
pett´ iks kassuj kabokõnõ.
Neio_ks jäl imme helläkeist -
kuuli_ks tä kuts´a haukvat,
pini_ks kirivä kilgutavat,
esi_ks tä hinele kynõli,
mar´a_ks tä hinele manidsi:
"Midä hauk iks taa Hurmi aia pääle,
midä murd taa_ks vällä värehille?"
Neio_ks jäl imele kynõli,
neio_ks maamalõ manidsi,
ärä_ks tä pett´ uma ime,
uma_ks kandija kavadsi:
"Haugu-i tä vällä värehille,
hauk iks tä hamõht aia pääle,
puudõht iks puuriida pääle!"
S´oo_ks tä kõrralda kynõli,
jutu_ks tä as´anda ai -
haugu-s iks hamõht aia pääle,
puudõht puuriida pääle,
haugi_ks tä nulga nuuri miihi,
haugi_ks tä kolga kosilaisi,
kiä käve_ks, piniq, petmäh,
neio_ks miilt murdmah.
Oo_ks mi tsõõri tsõdsõkõist,
mi_ks meelimar´akõist!
S´oost olgu_ks teno jumalallõ:
kiä_ks pett´, ärä võtt´,
tekk´ iks kur´a, kodo jätä-s!
Oo_ks mi tsõõri tsõdsõkõist,
mi meelimar´akõist!