18. Mõrsja kirstu juures.

SL 1814.
H, Gr. Q 1, 491 (7) < Räpina khlk. - Fr.Kõiv (1891).

Mi velil õks hää hobu:
pää üles pilve pill´,
jalaq tands´ taivahe,
huulõq hoijõ teeväq,
kabjaq kangasta kudavaq.
"Hobo teil iih olinõ,
regi peräh pedäjäne,
kaustvitsaq kadajasõq.
Kirst pääl teil kipo suuru,
hää härä silmä suuru."
"Siin om sisen siidirõivast,
kaasõ all kalõvit!"
"Kiviq kirstun kirgleseq,
kannuq karglasõq kaasõ all!"

SL 1815.
H I 2, 642 (3) < Vastseliina khlk. - C. Lenzius (1888).

Kae_ks ma, kae, näe, näe,
ette_ks sõnomõq toodiq,
katõq keeleq kannõtiq:
om täl kirst Kir´o kõru,
om täl iks vakk Valli suuru!
Nuq om täl kirst kitsõ kõru,
nuq om täl vakk vasiga suuru.
Veege_ks kirst kesä pääle,
veege_ks vakk vanijalõ,
kihulastõ sisse panda,
parmõ sisse paeda!
Kae_ks ma, kae, näe, näe,
olõ-i täl puutõq punadsõq,
olõ-i täl langassõq ilosaq:
sisse_ks sirgadsiq koeduq,
viirde virgadsiq veedüq!
Selle olõ-i täl puutõq punadsõq,
selle olõ-i täl langassõq ilosaq,
et tä kõnni-s kõllakohe,
et tä marsi-s mar´akohe.
Kõtt täl iks haigõ kõlla aigo,
mago haigõ mar´a aigo.
Kae ma_ks, kae, näe, näe, -
oodi_ks ma munna morolõ,
as´akõist aho ette,
toodi nu murs´a moro pääle,
ammusuu aho ette!
Oll´ täl iks nui nuku all,
õri-puu iks hõlsti all
küdül iks külgi kobida,
ämmä silmi ärgidä.
Kui läts timä karja saatõma,
kar´a laiet laskõma,
murd´ sis iks sarvõ Mustikul,
käänd´ kärsä põrsasõl.