3. Mõrsja pilkamine sajapäeval.

SL 1783.
H, Setu 1874-1877, nr. 71a < Puugnitsa k. - Joos. Hurt < Usti (1874).

Kuulõq, noori vell´oveni,
matal´ meelimar´akõnõ:
sünnü-i sullõ taa näio,
kaalu-i sullõ taa kabo,
taa kullu-i sino koto pite,
taa saa-i sino tallo pite!
Olõs sul olnu uma ime,
kallis uma kasvataja,
kosinu_ks koto pite,
ärä petnüq peret pite,
sullõ saanuq kotost korgõmbast,
elitarõst ilosambast!
Tuu tulnu mi velele,
astnuq au-kandjallõ,
kel om sada sangatut,
kel om tuhat trullitut!

SL 1784.
EKS 8° 4, 459 (28) < Räpinä, Kõnnu k. - J. Jagomann < Okse Tanilovits (1877).

Velekeseq noorõkõsõq,
noorõkõsõq, nõrgakõsõq,
küll mi kaime, et oll´ kuri,
küll mi näime, et oll´ näri:
käüse tä_ks kärkih tarrõ piti,
sõrmi murrõldõh morola,
tõi_ks puid, tõrõli muid,
aie ahjo, haagutõlli,
hambih iks halo rago,
keeleperäh pirru kisk!
Suust iks tull´ sinine tuli,
lagipääst lag´a lõhn.
Velekene noorõkõnõ,
alt iks põrmando põrodi,
lahki lei lae palgi.