5. Piniq, mis ti purõlõtõ?(Kaasikud laulavad riidlejatele.)

SL 1786.
H II 32, 850 (7) < Räpinä khlk. - S. Keerd (1890).

Piniq, mis ti purõlõdõ,
tõrvaskannuq, tõrõlõdõ?
Olõs ma sedä inne tiidnü,
inne tiidnü, ette nännü,
pannu puuhu pudrojahu,
karmanihe kamajahu,
küll sys olõs vaiki jäänü!

SL 1787.
EKS 8° 3, 452 (4) < Räpinä khlk. - Joh. Hurt (1876).

Velekene noorõkõnõ,
olõs mi tiidnü kotost tullõh,
võtnu puuhu pudrojahu,
kaukahe kamajahu,
kiitnü putro pinele,
haudnu laket hatolõ!
Ommaq neioq siin nälätseq,
tüdrikuq siin tühäq kõtuq.
Velekene noorõkõnõ,
jätäq kodo kosit neio,
lavva taadõ labatõduq,
jätäq nulka pühüses,
kivi pääle kükitäjäs!
Velekene noorõkõnõ,
kui saasõ kuri naane,
kaasa ülikammõlik,
panõq parsilõ magama,
ajaq aho otsa pääle,
panõq papis aho pääle,
köstres aho külele!