22. Lellenaine nutab noort meesterahvast.

SL 1877.
H, Setu 1903, 188 (90) < Helbi k. - Jak. Hurt < Miku Ode (1903).

Pojakõnõ_ks, mu kull´a pojakõnõ,
pojakõnõ_ks mu meelimar´akõnõ,
nu küünü_ks ma sinolt küsümä,
nu nõsõ mi_ks sinolt nõudma!
Miä_ks abi küsümäst,
kua_ks sõna kostmast?
Eka ütle-i_ks sa ütte sõnakõist,
meile kosta-i_ks sa kattõ-kolmõ!
Selle_ks sa ütle-i ütte sõnakõist,
selle kosta-i_ks sa kattõ-kolmõ:
eka liigu-i_ks su linnu keelekene,
painu-i pardsi sõrmõkõsõq,
käeq um iks sul külmäq künnärpääni,
jalaq um iks nu jaaheq jakust saani.
Pojakõnõ_ks, mu kull´a pojakõnõ,
kui_ks sa olliq väikene,
sinno_ks ma hoiji väikost,
kanasõst iks sinno kasvatõlli.
Sinno hoiji_ks ma hobõstõ jalost,
sinno kaidsi_ks ma külä kar´a jalost:
sinno näi_ks kui ussõh olõvat,
laitillõ laskvat,
värä(h)välle_ks su näie vään´vät,
kui näi_ks ma kar´a kaaluvat,
kirä näi_ks kodo kiirdüvät,
sada jäti_ks ma tüüd saisma,
tuhat jäti_ks ma tüüd tuumatamma,
kulla, lätsi_ks ma sinno tarrõ kutsma,
mari, lätsi_ks ma tarrõ manitsõmma.
Ärä_ks ma näi tuu päävä,
kui olli_ks sa maah väikene,
põrmandul iks olliq põlvõkorgunõ,
kua_ks-läve korgunõ,
tarõ_ks-läve tasakõnõ.
Ma näi_ks ärä tuu päävä,
tuu näie_ks mi ao astvat,
kui_ks sa saiq sajatõlla,
imekana ehitellä -
ma näi är tuu päävä,
s´oo näie_ks mi ao astvat.
Innep võinu_ks ma liiva liitä,
innep võinu_ks ma kalmu kaalutõlla,
kui_ks mi sinno pandaq,
kallist iks kalmu kattaq!
Igä olli_ks sinol elämädä,
hüäq olli_ks sul pääväq nägemädä.
Pojakõnõ_ks, mu kull´a pojakõnõ,
võinu_ks viil ollaq umah kotoh,
kallis, võinu_ks ülest kasvuda,
hellä, võinu_ks viil ülest vinnüdä!
Jummal tiid iks, jumalakõnõ,
Mari tiid iks madalakõnõ,
kas um iks s´oo Eessu iskmine,
Mari um iks nu maalõ maal´minõ?
Pojakõnõ_ks, mu kull´a pojakõnõ,
hallõ um meil iks hauda panda,
kallis um meil iks kalmu kattaq!
Eka nõrgu-i_ks meil nõrgaq käekeseq,
eka painu-i_ks meil pardsi sõrmõkõsõq!
Selle nõrgu-i_ks meil nõrgaq käekeseq,
selle painu-i_ks meil pardsi sõrmõkõsõq:
juvvaq taha-i_ks mi neid juukõ,
pitä_ks mi taha-i setä pito!
Innep iks mi saja ehitännüq,
laulu_ks-mi-lavva laaditannuq -
iku- ku_ks mi -lavva ehitelli,
laina-lavva laaditõlli,
pojakõnõ_ks, mu kull´a pojakõnõ!