25. Sõsare soovid oma matmise poolest.

SL 1880.
EKS 8° 4, 420 (5) < Räpinä, Kõnnu k. - J. Jagomann < Okse Tanilovits (1877).

Velekene noorõkõnõ,
noorõkõsõq, helläkeseq,
kuulõt ti näio koolõvada,
kabo kalmu viidävädä -
ärä ti_ks viiguq vemberilla,
raputagõ rattilla!
Velekeseq noorõkõsõq,
viigeq ti viiel sõrmõla,
kankõq katsil käsilä!
Velekeseq noorõkõsõq,
ärä ti_ks tekuq tinaristi,
valagu-i vaskiristi -
tina_ks tikõ hallitama,
raud rassõ rostitama,
vaski_ks vaiv valõhtuma!
Velekeseq noorõkõsõq,
tekeq ti_ks puust puhtast,
vahtrast valgõst,
tuu_ks paistus pall´o maad,
näküs näio kavvõtahe!
Lätsi_ks möödä müntä-mees,
katsi möödä kaupa-meest,
küsütelliq, nõvvatõlliq:
"Kes siiä olnõs matõtu?"
Mina_ks kuuli, vasta kosti:
"Siiä_ks koolnu kullalinõ,
matõt raha-margalinõ!"
Mina_ks kuuli, vasta kosti,
mina_ks tõisi vasta lasi:
"Olõ-i koolnu kullalinõ,
matõt raha-margalinõ -
koolnu_ks vel´o viie sõsar,
kuvvõ kulla käsiline!"