28. Kolm surma.

SL 1883.
EKS 8° 3, 440 (28) < Räpinä, Naha k. - Joh. Hurt < Höödo naine (1876).

Kolm olli surma suvõla,
kats olli katsko haan´akuula.
Määres surma parembi,
kua katsko kallimb -
kas oo koolu kuulminõ,
vai tautsi tappõminõ,
vai võõra võttõminõ?
Koolu koolõt´, maha matat,
tautsi tapi, liiva liidi,
võõras võtte umas or´as,
võtte musta mõskijas,
kalõ kuiva kolkijas,
hammõ pääst pästijäs.

SL 1884.
EKS 8° 4, 379 (1) < Räpinä, Kõnnu k. - J. Jagomann < Okse Tanilovits (1877).

Mille_ks veedü neiokõisi,
kasinahe kabokõisi?
Kolm iks surma suvõla,
kats katsko haan´akuul.
Neiokõsõq noorõkõsõq,
määrne_ks surma suurõmbi,
koa katsku kallimbi?
Koolu koolõti, maalõ mati,
tautsi tapi, liiva liidi.
Neiokõnõ noorõkõnõ,
võõras iks võti umast or´ast,
võti musta mõskijast,
kalõ kuiva kolkijast,
hämme päält pästijäst,
rinnikust ja rännikust,
räti paari mõskijast,
rassõ tõlva tõstijast.