18. Ema surm.

SL 1904.
H, Setu 1903, 323 (153) < Helbi k. - Jak. Hurt < Miku Ode (1903).

Ime_ks-no-keist helläkeist,
maama_ks-no-kõist, mar´akõist -
olli_ks täl üts tütärlats,
kasvi_ks no üts kanakõnõ.
Ime_ks-no-keist helläkeist,
maamat meelimar´akõist -
jätt´ tä_ks kodo kullakõsõ,
jätt´ iks tä majja mar´akõsõ,
moro jätt´ tä_ks pääle murõhtamma.
Ime_ks lausi meelestäni,
lausi_ks tä meele poolõstani:
"Tütär iks, hellä linnukõnõ,
istu_ks sa ussõh huulitsah,
olõ_ks sa väläh värehtih!"
Ime_ks-no-keist helläkeist -
eelä_ks no ime ninni läts,
toona_ks no maama maranahe.
Neio_ks-kõist noorõkõist,
meelest iks meelimar´akõist!
Neio_ks ikk´ huulitsah,
neio_ks no murõht´ moro pääl.
Toda no_ks ikk´ neiokõnõ,
kahitsõlli kabokõnõ:
"Eelä_ks mu ime ninni läts,
toona_ks tä marssõ maranahe -
oodi_ks ma eelä, oodi täämbä,
oodi_ks ma kollq kolmapäivä,
oodi_ks ma nelli neläpäivä,
säidse_ks no rikast riidit -
tulõ-s no mul imme ninnistä,
tulõ-s maama maranast!"
Sini- näi_ks ma -tsirgu tulõvat.
Saat´ iks tä syna sinitsirgult,
vaha_ks-no-jalga varbõlasõlt.
Neio iki ma_ks ussõh huulitsah,
moro_ks no pääl murõhtõlli.
Sini- tulli_ks tuu -siibo tsirgukõnõ,
vaha- tull´ no_ks -jalga varbõlanõ,
siibo_ks täl sipseq, jalaq vipseq,
siibo_ks täl sipseq taivah,
jala_ks täl mereh mürisiq.
Tõi_ks tä synna minolõ,
anni_ks tä tiidäq neiolõ,
ärä_ks tä lausi meelestäni:
"Midä sa_ks ikõt, neiokõnõ,
kahitsõllõt, kabokõnõ,
ikõt iks musta moro pääl,
ikõt hainal haljal?"
Neio_ks lausi meelestäni,
lausi tä_ks meele poolõstani:
"Toda_ks ma ikõ, neiokõnõ,
kahitsõllõ kabokõnõ:
eelä_ks mu ime ninni läts,
toona_ks tä marssõ maranahe -
oodi_ks ma eelä, oodi täämbä,
oodi_ks ma kollq kolmapäivä,
oodi_ks ma nelli neläpäivä,
säidse oodi ma_ks rikast riidit -
tulõ-s mul imme ninnistä,
tulõ-s maamat maranast!"
Tsirku_ks no keelilä kynõli,
tsirku_ks no meelil mõistutõlli:
“Neio_ks-sa-kõnõ noorõkõnõ,
uutu-i sa_ks imme ninnist,
uutu-i_ks maamat maranast!
Ime_ks-no-kõist helläkeist -
liha täl no_ks lipsa lõiguti,
veri täl no_ks toobõ müüdi,
liha no_ks süüdi leevä iist,
veri_ks no juudi viina iist!”
Neio jäi_ks no ikma ilmaväega,
kadoväega kahitsõmma,
ikma jäi tä_ks umma imekeist,
umma jäi no_ks kandjat kahitsõmma,
moro_ks no pääl murõhtõlli.
Neio_ks-no-kõist noorõkõist!
Vrdl: SL I, 132-137.