21. Jeesuse surm.

SL 1907.
H, Setu 1903, 217 (105) < Helbi k. - Jak. Hurt < Miku Ode (1903).

Tetti_ks tuli kesä pääle,
valu_ks vele vanijallõ
halusist iks haavapuist,
kergehist iks kesäpuist.
Kiä_ks tullõ tougati,
kiä_ks panti palavallõ?
Eessu_ks nu tullõ tougati,
Eessu_ks nu panti palavallõ.
Eessu_ks nu tulõsta torisi,
mari_ks pajat´ palavalt:
"Veege_ks syna mu umilõ,
angõ_ks tiidäq armillõ:
Eessu_ks poigo hukatas,
vaga_ks veri vaivatas!
Veege_ks syna mu umilõ!"
Kiä_ks nu synaga sõidi,
kohe_ks nu joostaq juttõga?
Joosi_ks nu sinnä, joosi tännä,
joosi_ks jumaldõ lävele,
Marijidõ pajalõ,
kulda_ks-rõngast koputõlli,
hõpõ_ks-linki liigutõlli.
Kutsi_ks nu kuud, palssi päivä -
tulõ-s iks kuu kutsõh,
tulõ-s iks päivä pallõldõh.
Joosi_ks ma sinnä, joosi tännä,
joosi_ks ma jumaldõ lävele,
kutsi_ks ma kuu sulasit,
palssi_ks ma päävä palgaliisi,
Peeteret iks, Paavõlat,
Antsu_ks, armasta sulasta:
"Eesus iks poigo hukatas!
Eessu_ks tullõ tougati,
mari_ks panti palavallõ.
Eessu_ks tulõst torisi,
mari_ks pajat´ palavalt:
"Veege_ks syna mu umilõ,
angõ_ks tiidäq armillõ -
Eesus iks poigo hukatas,
vaga_ks veri vaivatas!"”
Peeteret iks, Paavõlat,
Antsu_ks, armast sulast -
tõiq tuulõ tullõnani,
sai_ks nu vihma saiõnani,
tõiq iks Eessu tulõst,
pästi_ks marja palavalt.
Võti_ks nu hindä huuldõ,
kaia_ks hindä kaalallõ.
Esi_ks nu hindälle kynõli,
mari_ks nu hindälle manidsi:
"Tetti_ks taa tuli kesä pääle
halusist iks haavapuist,
kergehist iks kesäpuist.
Sinikatlas iks tulõ pääle,
sini- panti_ks -vett veeretasa,
sini_ks-lambit mõsti,
sini_ks-nu-lambit pöeti,
sini_ks-nu-villo vinnütedi,
sini_ks-nu-kangast koeti -
jumalillõ_ks tetti joonisärki,
Marijillõ maani särki,
maani_ks nu massakarvalinõ.”
Ärä_ks nu haari küsütellä,
küsü_ks-nu-tellä, nõvvatõlla:
"Kelle_ks neid villo vinnütedäs,
taad iks särki säetäs?"
Esi_ks nu hinele kynõli,
mar´a_ks nu hinele manidsi:
"Jumalillõ_ks koa joonisärki,
Marijillõ_ks koa maani särki,
maani_ks nu massakarvalitsi."
Eesus iks poiga hukati,
vaga_ks veri vaivati.
Neio_ks-nu-kõnõ noorõkõnõ,
miä_ks nu tetäq, kohe minnäq?
Kuulõ_ks sa, Eessu, mi esä,
kuulõ_ks sa, Maarja, mi maama,
kiä_ks su tullõ tougas´,
kiä_ks su pand´ palavallõ?
Jummal iks tullõ tougas´,
pand´ iks marja palama.
S´oo_ks ma kõrralda kynõli,
jutu_ks ma as´anda ai -
jummal iks tullõ touka-s,
panõ-s iks marja palama -
ti_ks, kolga kur´aq keeleq,
ti_ks, veere vihameeleq!
Neio_ks-kõnõ noorõkõnõ!
Lisamärk. Laulu tõine pool (v. 47-88) on tume. Katsugu uurijad temaga korda saada.
Vrdl: SL I, 170-178. Ltl: 540-542.