4. Kureneiu ja Vend veehädas.

SL 1888.
H, Setu 1903, 339 (2) < Matsurdi k. - Jak. Hurt < Hedo Ivanovna, Miku Ode ema (1903).

Velekene_ks noorõkõnõ!
Tulli_ks ma ülest hummogult,
lätsi_ks mõtsa kaema,
hummogulta hulkima.
Miä_ks ma löüse minnenäni,
kua_ks ma kodo tullõnani?
Löüse_ks ma kurõ kündevät,
käre_ks ma atra käänevät.
Säält ma_ks kodo joostõh joosi,
joostõh iks joosi, jalo käve,
ütli_ks ma umalõ velele,
kaipsi_ks ma imekanasõllõ:
"Võta_ks sa püssä pütü päält,
taba_ks taarivaka päält,
mine_ks sa kurgõ tappõmahe,
kärge_ks maalõ laskõmahe!"
Vell´o_ks kuuli sysarõ syna,
võti uma oppusõ,
lätsi_ks kurgõ tappõmahe,
kärge_ks maalõ laskõmahe.
Kurg iks vasta kumardõlli,
kärg iks vasta käänütelli:
"Vel´okõnõ noorõkõnõ,
ärä sa_ks minno tapkuq!
Ärä_ks ma lää toolõ maalõ,
tuu_ks ma s´olka s´oolõ maalõ,
siidi tuu_ks ma neile sysarillõ,
sorrõ tuu ma_ks sysardõ sal(l)ida."
Vele_ks-kene noorõkõnõ,
ime_ks-latsi helläkene,
tulli_ks tä ülest hummogult,
lätsi_ks tä mere veere pääle,
läts tä_ks Piusa perve pääle.
Tulli_ks säält kurõq kolmõkese,
tulli_ks säält pardsiq paaritsilla,
hani olli_ks tuu hal´as, handa lag´a,
kubo oll´ täl iks kulda kirotõt,
pää oll´ täl iks päädit langassilla.
Vele_ks-no-kene noorõkõnõ,
tuu_ks tä kurõ kodo veenü,
veenü tä_ks umõlõ velile -
linnas´ iks tuu kurgi korgõhe,
tasalikult iks taivahe.
Vele_ks-kene noorõkõnõ,
tulli_ks tä kodo, kullakõnõ,
majja tull´ tä_ks, meelimar´akõnõ,
ütel´ iks umalõ esele,
manits´ tä_ks umalõ maamalõ:
"Ärä_ks ma käve kavvõdõh,
käve_ks ma, mari, muila maila.
Pall´o näi ma_ks kaihho kävvuh,
pall´o näi ma_ks vika vete pääl.
Kui ma naksi säält kodo tulõma,
sattõ ma_ks sällüle vesile,
käeq olliq mul iks lajah lainih.
Hõiksi_ks ma umma sysarda,
kavatsõlli ma_ks umma imekanna -
sysar and´ mullõ_ks uma sõlõ,
anni tä_ks sõlõ sõvvakist,
leheq anni tä_ks mõlõmbaq mõlast.
Sys tulli ma_ks kodo, kullakõnõ,
majja tulli ma_ks, meelimar´akõnõ.
Lisamärk: Segane laul. Ainult uurijatele materjaliks trükki pandud. Vaata juhatusi eelkäiva laulu lõpetuses ja SL I, 246-260, ltl: 502, 503, 542, 558, 595, 598-601; SL III, 1913.