41. Karjaneiu ja kaupmehed.

SL 1931.
H, Setu 1903, 290 (137) < Helbi k. - Jak. Hurt < Miku Ode (1903).

Neio_ks-kõist noorõkõist,
lina_ks-no-hiust, linnukõist!
Tulli_ks no üles hummogu,
varra_ks no inne valgõt.
Miä oll´ no_ks tüü edimäne,
kua olli no_ks hooli hummogu?
Mõsi_ks no suu, känge jalaq,
känge_ks no ala aujalaq,
pääle_ks no pikäq pääväjalaq.
Lätsi_ks ma ussõ kaema,
ussõ_ks ma tsõõri moro pääle.
Miä_ks no ussõh olõnõs,
saina_ks no takah saisanõs?
Ussõ_ks täüs uibit,
maja_ks no täüsi mar´apuid,
korgita kuslapuid,
vere_ks-vitä vislapuid.
Neio_ks säält tarrõ tagasi,
tarõ_ks-lävele lähesi,
neio_ks veeri vele mano,
ime_ks-no-kanalõ kynõli,
ärä_ks tä velele veerädi:
"Vell´o_ks-sa-kõnõ noorõkõnõ,
ime_ks-latsi helläkene,
ärä_ks kuulõq, miä ma kuugu,
ärä_ks sa mõistaq, miä mõistuta,
ärä_ks sa kullõq sysarõ syna,
kullõq sa_ks uma oppus:
tii_ks sa tinadsõq redeliq,
vala_ks sa vaskivarbakõsõq,
rao_ks no raudapeelekeseq
ülest iks mul minnäq uibohe,
ülest iks veerdäq vislapuuhe,
korgõhe kuslapuuhe!"
Vel´o_ks no kullõl´ sysarõ syna,
kullõl´ iks uma oppusõ:
tei_ks tä tinadsõ redeli,
vali_ks tä vaskivarbakõsõq,
rai_ks tä raudapeelekeseq.
Ülest iks lätsi uibohe.
Vel´o_ks kullõl´ sysarõ syna,
kullõl´ iks uma oppusõ,
miä_ks no opas´ umalõ,
kõrra_ks tä kätte kynõli,
arvo_ks no vällä arvõlli.
Vele_ks-keist noorõkõist -
tekk´ iks tä tinadsõ redeli,
vali_ks no vaskivarbakõsõq,
rai_ks no raudapeelekeseq.
Neio, lätsi ma_ks ülest uibohe,
neio, veeri ma_ks ülest vislapuuhe,
võti_ks ma ossa uibost,
võti_ks ma vitsa vislapuust.
Neio, tulli ma_ks maalõ, mar´akõnõ,
neio, ai ma_ks mõtsa ese kar´a,
vele_ks ma kirä keerätelli,
ai_ks ma kar´a kavvõndõhe,
ai_ks ma mar´a muilõ mailõ.
Sinnä_ks ma kar´a kallutõlli,
sinnä_ks ma lehmä liigutõlli:
liina_ks taadõ lepistühe,
turu ai_ks ma taadõ toomistuhe.
Esi istõ ma_ks maalõ umblõmma,
kivi istõ ma_ks pääle kirotamma,
udsu- naksi ma_ks -rõivast umblõmma,
kinnä naksi ma_ks kirjä kirotamma.
Möödä läts iks säält kats kaubamiist,
kollq läts no_ks kõrkiva sulast.
Tõnõ_ks-naaq-tõsõlõ kynõliq,
tõnõ_ks-tõsõlt küsütelliq,
haari_ks no küssüq mino, neio, käest,
haari_ks no tetäq kaupa Karõsõllõ,
küsseq tetä_ks liiko lehmäle.
Ärä_ks nääq lausiq meelestäni:
"Neio_ks-sa-kõnõ noorõkõnõ,
müü_ks sa meele Mur´o-lehm,
kauplõq meile Kares-lehm
ilma_ks no kodo kuulõmalda,
ese_ks-no-ime tiidemäldä!"
Neio_ks no lausi meelestäni,
neio_ks no kuuli, kosti vasta,
taitsõ tä_ks targastõ kynõlda:
"Ohoh iks ti, ulliq noorõmeheq,
kado-ulliq kaubamehe,
saa-i_ks ei neiost müüjät,
saa-i_ks kabost kauplõjat -
või-i_ks müvväq Mur´o-lehmä,
kaubõldaq Kares-lehmä
ilma_ks no kodo kuuldõmalda,
ese_ks-no-ime tiidemäldä,
vell´o_ks no raha lugõmalda!"
Neio_ks-no-kõist noorõkõist,
lina_ks-no-hiust, linnukõist,
kar´a_ks tä kodo kallutõlli,
kirä_ks tä kodo keerätelli,
kodo_ks tä ai uma kar´a,
vele_ks tä kirä keerätelli.
Mõtsa tä_ks jätt´ mõisa kar´a,
jätt´ tä_ks pallo papi kar´a,
suuhu_ks no suurõ herrä kar´a,
kodo_ks ai uma kar´a,
ai_ks tä majja meelimar´a.
Neio_ks-kõist noorõkõist!
Vrdl: SL I, 377-380. Ltl: 543, 603, 623-628, 635, 636.