45. Keträq, Liisu, memme tütär!

SL 1939.
H, Setu 1903, 284 (132) < Helbi k. - Jak. Hurt < Miku Ode (1903).

Keträ_ks, keträq, Liisakõnõ,
keträ_ks no Liisa, memme tütär!
Kui_ks ma keträ, memmekene?
Käe_ks mul haigõq, jalaq haigõq,
kyik iks mul luuq, liha haigõ!
Keträ_ks jäl Liisa, memme tütär!
Kuis ma no_ks keträ, memmekene -
käe_ks mul haigõq, jalaq haigõq?
Keträ_ks Liisa, memme tütär -
hummõn iks ma lää liinosihe,
suurõ_ks ma tuu suurõ sõlõ,
suurõ_ks no sõlõ, laja tele!
Keträ_ks no, keträq, Liisakõnõ,
keträ_ks no Liisa, memme tütär!
Kuis ma no_ks keträ, memmekene -
käe_ks mul haigõq, jalaq haigõq?
Keträ_ks, keträq, Liisakõnõ,
keträ_ks sa Liisa, memme tütär -
hummõn iks ma lää liinosihe,
sullõ_ks no osta uvvõ voki,
sullõ_ks ma saa vastsõq saapaq!
Keträ_ks no, keträq, Liisakõnõ!
Kuis iks ma keträ, memmekene?
Hummõn iks ma lää liinosihe,
sullõ tuu_ks ma suurõ sukmanni;
keträ_ks sa Liisa, memme tütär -
tuu_ks ma kinä kitasnika!
Kui_ks ma keträ, memmekene -
käe_ks mul haigõq, jalaq haigõq,
kyik um mul luuq, liha haigõ!
Keträ_ks no Liisa, memme tütär!
Kuis ma_ks keträ, memmekene -
käe_ks mul haigõq, jalaq haigõq,
kyik iks mul luuq, liha haigõ!
Keträ_ks, keträq, Liisakõnõ,
keträq sa_ks, Liisa, memme tütär -
hummõn iks ma lää liinosihe,
sullõ_ks ma osta uvvõ mehe!
Küllep iks ma keträ, memmekene -
käeq olõ-i haigõq, jalaq haigõq,
olõ-i mu luuq, liha haigõ!
Kedräs´ iks Liisa, memme tütär,
ärä_ks tä kedräs´ keerulanga,
ärä_ks tä virot´ villavoki,
tekk´ iks tä kallist kapudalanga,
tekk´ iks kinnä kindalanga,
tekk´ iks tä suurt sukalanga.
Kinda-sai_ks-lang kedrätüst,
suka_ks-no-lang soetõtust,
kudi sys kullast kaputat
vasitsilla vardilla.
Neio_ks-kõist noorõkõist -
koi_ks tä kiräkindit,
sysar, kudi tä_ks sõrmkindit.
Esi_ks tä lasi lavva manna,
esi_ks tä tõugas´ tooli pääle,
sääl iks kudi tä kiräkindit,
kudi tä_ks suuri soonilitsi,
kudi_ks tä priski pidulitsi,
kudi_ks tä kiräq kindihe,
soonõq kudi tä_ks suuri kaputihe,
neio_ks-kõist noorõkõist!
Vrdl: SL I, 443.