46. Rikas kosilane.

SL 1940.
H, Setu 1884, 358 (20) < Vinnüski k. - Jak. Hurt < Tatjana Kondratjeva (1884).

Leelo_ks, leelo, rikas miis,
käve_ks tä mõtsah vilisteh,
püss oll´ täl kullanõ olal,
taba karranõ kaalah:
"Tulõ_ks mullõ, neiokõnõ,
kalluq mullõ, kabukõnõ!"
Neio täl lausi meelestäni:
"Mindä-i mõtsasta mehele,
puu takast poisõlõ õiq -
(et) om mull iks kodo kosja kävvüq,
ommaq veleq viina juvvaq!"
Pand´ iks tä mõrra mõtsa pääle,
hiit´ võrgu võsu pääle,
mõtõl´ tä mõrsja mõrda minnev,
nuur et neio nuuta lätt.
Olli_ks tuu neio loonatark,
kado [?kabo] kundsõni kavval´.
Esi_ks tä lausi meelestäni:
"Leelo, leelo, rikas miis,
olõ-s ma püssäl püvvetäv,
võrgul kinni vyõtav!
Tsirk om iks ull´ ossa pääl,
tuu om püssäl püvvetäv,
kala om ville vii seeh,
tuu om võrgul vyõtav!"
Leelo_ks, leelo, rikas miis,
virka_ks tä hobõst virotõlli,
tarka tä ratsu[t] tandsutõlli:
"Tulõ_ks mullõ, neiokõnõ,
kalluq mullõ, kabukõnõ!"
Neio_ks tuu lausi meelestäni:
"Sullõ_ks ma lää-i, kodo jää-i -
mustalõ lää ma kündjälle,
halja haina niitjälle!"
Leelo_ks, leelo, rikas miis,
käve_ks tä mõtsah vilisteh,
vilistelleh, valistõllõh.
Esi_ks tä rahha sõõr´atõlli,
kilingit keerätelli:
"Tulõ_ks mullõ, neiokõnõ,
kalluq mullõ, kabukõnõ!
Lää_ks ma pia Pihkvahe,
inne muid Moskvahe,
pikä tuu ma_ks siidi Pihkvast,
muud hüvvä Moskvast!
Tulõq mullõ, neiokõnõ,
mul om kotoh kollq aita!
Tii_ks ma sisse sinisängü,
panõ mano marjarepi,
külep ma mar´ol magama vii,
ubinil uinutõllõ,
pilli_ks mul laulvaq pähütseh,
kannõl katimõ veereh,
üles ma kutsu kulatskil,
üles petä piitnäl!"
Sai_ks tuu naane naidõtus,
ubasuu ostõtus,
leelo_ks, leelo, rikas miis,
lätsi_ks tä pia Pihkvahe,
läts´ ruttu Roodsimaalõ,
tõi_ks tä piidsa Pihkvast,
tõi roosa Roodsimaalt,
tuu pess´ tä neio piha pääle,
pess´ ohku ola pääle.
Olõ-s täl kotoh kolmõ aita,
tii-s tä sisse sinisängü,
panõ-s mano marjareppi,
kõõ_ks tä malgal magama vei,
laul´ iks täl piitsk pühütseh,
karbats katimõ veerel,
üles kuts´ tä_ks kulakil.
Nii sai tuu neio petetüs.
Vrdl: SL I, 444. Ltl: 638.

SL 1941.
H, Setu 1903, 312 (147) < Helbi k. - Jak. Hurt < Miku Ode (1903).

Rikas iks söödi umma hobõst,
söödi_ks no virka verevät,
rikas iks ruuna rututõlli,
verevät virotõlli.
Rikas läts no_ks naista naitõma,
uba- läts´ no_ks -suuda ostõma.
Rikas iks no rahha raputõlli,
ummi_ks no tingi tiristelli,
vaenõ_ks no hütsi höörätelli,
vaenõ_ks no kivve keerätelli.
Rikas iks lätsi kosjollõ.
Kohe_ks tä lätsi kosjomahe,
kosjo-no_ks-mahe, osjomahe?
Ummõ_ks tä ruunõ rututõlli,
verevit virotõlli:
olõs tä pia peräle saasiq,
inne saasi_ks tä muida moro pääle!
Lätsi_ks tä merde kosjollõ,
Narvast iks naista naitma.
Aiõ_ks hobõsõ morolõ,
verevä_ks no sinnä viroti,
lätsi_ks no tarrõ tehrütämmä,
tehrütämmä, teretämmä.
Rikas iks sei, rikas jõi,
rikas iks rahha raputõlli:
"Angõq no_ks ärä mino neio,
kankõq no siiä mino kabo!"
Neio_ks lausi meelestäni:
"Anniq no aigu kasvatõlla,
annaq iks sys aigu ehitellä!"
Rikas iks sei, rikas jõi,
rikas iks rahha raputõlli,
rikas iks lausi meelestäni:
"Kas saa_ks neio ehtinüs,
kas saa no_ks kabo kabistõtus?"
Sai_ks no neio ehtinüs,
sai_ks no kabo kabistõtus,
rikas nakas´ iks kodo jõudõma.
Istõq nää_ks ilma veere pääle,
kuu istõq nääq kulla poolõ pääle,
poolõ_ks nääq ilma ilostiq,
poolõ_ks nääq valda valastiq.
Tulli_ks nääq kodo, kullakõsõq,
majja meelimar´akõsõq.
Rikas iks pand´ erä-aita,
taat´ iks tä erätapo taadõ
ilma_ks no ese tiidemäldä,
ilma_ks no ime tiidemäldä.
Ese_ks no lausi meelestäni,
lausi_ks tä meele poolõstani:
"Sullõ naka_ks naista naitma,
uba-naka-mi-suud ostma!"
Vell´o_ks lausi meelestäni,
lausi_ks tä meele poolõstani:
"Tuu_ks naane mullõ naitkõq,
ostkõ_ks tuu ubasuukõnõ,
miä_ks ma tiiä umal hingel,
miä_ks ma mõtlõ umal meelel!
Naitkõ_ks nainõ noorõkõnõ,
uvvõ ubasuukõnõ!"
Ese naas´ iks naista naitma,
uba_ks-no-suud ostma.
Vell´o_ks astõ aida mano,
astõ_ks tä erä-aida mano,
kaldu_ks tä eräkambrehe,
anni_ks tä vällä tuu neio,
tõi_ks tä nätäq tuu neio,
tõi_ks tä kaiaq tuu kabo,
miä tõi tä_ks mere veere päält,
kua tõi tä_ks kuu poolõga.
Sai_ks tuu neio ilmaillos´,
ilma-olli_ks-illos´, päävävallus´.
Sai_ks no ese miilt pite,
sai_ks tä taadõ tahtu pite.
Anna_ks tenno jumalallõ,
sai_ks minnij imele,
sai kätte käskijalg.
Võrdlemise juhatusi vaata eelkäiva laulu lõpetuses.