47. Jahvataja neiu.

SL 1942.
H, Setu 1903, 340 (3) < Matsurdi k. - Jak. Hurt < Hedo Ivanovna, Miku Ode ema (1903).

Jahvi_ks ma ja(a)heh tarõh,
kisi_ks külmäh keldereh.
Kes mul iks lävele lähesi,
kes iks tuu astõ akkõnillõ?
Ese_ks lävele lähesi,
ime_ks astõ akkõnillõ:
"Jahva_ks, jahvaq, tütereni,
kiso_ks külmäh keldereh!
Kos´a_ks sul kodo tulõvaq,
viina_ks viirdväq velisihe -
anna_ks ma lehmä lehti-otsa,
anna_ks ma lamba lauki-otsa!"
Jahvi_ks ma ja(a)heh tarõh,
kisi_ks külmäh keldereh.
Kes tuu_ks lävele lähüsi?
Vell´o_ks lävele lähesi,
vell´o astõ akkõnillõ:
"Jahva_ks, jahvaq, sysari,
kiso_ks külmäh keldereh!
Kos´a_ks kodo tulõvaq -
sullõ anna ma_ks lehmä piimälise!"
Tulli_ks jäl üles hummogult,
jälki_ks ma jahvi ja(a)heh tarõh,
kisi_ks külmäh keldereh.
Sysar iks lävele lähesi,
sysar iks astõ akkõnillõ:
"Jahva_ks sa ja(a)heh tarõh,
kiso_ks külmäh keldereh -
sullõ_ks ma anna kinä kirstu,
sullõ anna kalli karbi,
koh um iks siseh siidirõivas,
um iks karbih kalõvanõ!"
Jahvi_ks ja(a)hena tarõna,
kisi_ks külmäh keldereh.
Vele_ks-no-naane, linnukõnõ,
matal´ iks meelimar´akõnõ,
tuu_ks jäl lävele lähesi,
ärä_ks astõ akkõnillõ:
"Ärä_ks sa jauhkuq, sysarõni,
kisku-i sa külmäh keldereh!
Edo_ks sul esse pettijät,
imme_ks sul ilma-võlsijat -
ega anna-i lehmä lehti-otsa,
anna-i lammast lauki-otsa,
veli anna-i lehmä piimälist,
sysar iks anna-i kinnä kirstu,
anna-i kallist karpi!"
Vrdl: SL I, 445.