48. Õdede elulugu.

SL 1943.
H, Setu 1903, 341 (4) < Matsurdi k. - Jak. Hurt < Hedo Ivanovna, Miku Ode ema (1903).

Kolmõkeske olliq sysarõq,
kolmõkeske kullakõsõq.
Läbi_ks naaq saieq saarõmõtsa,
läbi_ks naaq tulliq toomistust,
istõ_ks naaq üte toomõ pääle,
tõnõ_ks istõ no tõõsõ ossa pääle,
kolmas iks vali vaihhõllõ.
Ärä_ks sys küündüq küsümähe,
ärä_ks nõssiq nõudõmahe:
"Määnes iks, sysar, sino elo?"
"Kulda mul iks süvväq, kulda juvvaq,
kulda_ks-mul-rõivil käuminõ,
kulda_ks-mul-sängü säädemine,
kulda_ks-mul-pad´a pandõminõ,
kulda_ks-mul-kängil käuminõ!"
Küsü_ks-telliq, nõvvatõlliq:
"Määnes iks, sysar, sino elo?"
"Hõpõ_ks mul süvväq, hõpõ juvvaq,
hõpõ_ks-mul-rõivil käuminõ,
hõpõ_ks-mul-sängü säädemine,
hõpõ_ks-mul-pad´a pandõminõ,
hõpõ_ks-mul-kängil käuminõ!"
Küsü_ks-telliq, nõvvatõlliq:
"Määnes iks, sysar, sino elo?"
"Mulda_ks mul süvväq, mulda juvvaq,
mulda_ks-mul-rõivil käuminõ,
mulda_ks-mul-sängü säädemine,
mulda_ks-mul-pad´a pandõminõ,
mulda_ks-mul-kängil käuminõ!"
Kui tä sys ütel´ uma ohu,
uma_ks kah´o kaibõlli,
sys tä_ks naksi ikkõmahe,
kolmõ_ks-keske kuukumahe.
Vrdl: SL I, 446, 447.

SL 1944.
EKS 8°3, 414 (11) < Räpinä, Naha k. - Joh. Hurt < Höödo naine (1876).

Kolmõkeske sõsaritsõq,
katõkeske imelatsõq
tullivaq ütte toomistuhe,
saivaq ütte saarõ pääle.
Tekküväq kokko ni teretiväq,
kalduq kokko ni kumardivaq,
naksiq tõõsõlt küsümähe,
naksiq sõsarõlt nõudõmahe:
"Kua, sõsar, sino elo?"
"Ikku süvväq, ikku juvvaq,
ikku man maatõh,
ikku kõrval kõnõldõh,
ikukanni käenä,
ikupikeri peona."
Küündü tõõnõ küsümä,
nakas´ tõõnõ nõudõma:
"Kua, sõsar, sino elo?"
"Hõpõ süvveh, hõpõ juvvõh,
hõpõ man maatõh,
hõpõ ligi lebädeh,
hõpõ kõrval kõnõldõh,
hõpõkanni käenä,
hõpõpikeri peona."
Kolmas küündü kõnõlõma:
"Kulla süvveh, kulla juvvõh,
kulla man maatõh,
kulla ligi lebädeh,
kullakanni käenä,
kullapikeri peona."
Võrdlemise juhatusi vaata eelkäiva laulu lõpetuses.