1. Nooremehe sõit.

SL 1947.
EKS 8° 3, 403 (1) < Räpinä, Naha k. - Joh. Hurt < Höödo naine (1876).

Sõidaq, sõidaq, sõnnikõnõ,
ruttaq, vele ruunakõnõ!
Kunas pia peräle jõvvame?
Tee pikk peräle minnä,
maa kavvõh karata.
Jõvva-i kivile visata,
jõvva-i sõita sõmõralõ -
kivi pejjo pudõnõs,
sõmmõr sõrmi lagonõs.
Kui ta no peesü minemä,
kui ta saie no sõudõma,
leiväq tulda tuimaq ravvaq,
vallu näiväq varsa kabjaq,
kibõnida külmäq kiviq,
sädemidä saaniravvaq.
Üle mua Moskvahe,
üle palo Pihkvahe -
leie mua Moskvahe,
liiva liina põrodi!
Vrdl: SL II, 810.