14. Mõrsja laul kutsarille, pulma kutsuma sõites. [Mõrsjaitk.]

SL 1960.
H II 45, 460 (3) < Ala-Pedäsi k. - J.Tru[u]smann (1887).

Mino kulla velekene,
mino kulla armakõnõ,
hiirol lasõq hillä minnä,
paadil minnä parahidõ!
Takast lasõq Tallina tiid,
üle Riia risttii!
Velekene mu armakõnõ,
trampiq lasku-i Tallina tiid,
rikkuq lasku-i Riia risttiid -
sis pandas korgõq kunnitsaq,
sis pandas rassõq rahamassuq,
sis jõvva-i ese iä massaq,
vell´o poolõni põlvõni!
Velekene mu armakõnõ,
hiirol lasõq hillä minnä,
paadil lasõq parahidõ,
ärä sa ümbre ajaguq,
ärä kivvi keerätäguq,
ärä kandu kaalutaguq,
teku-i hätä häelmülle,
vika vihalehesselle!
Velekene mu armakõnõ,
siin om tasadsõq tanomõq,
hiirol lasõq hillä minnä,
paadil lasõq parahidõ,
ärä aido ajaguq,
puuriita pututaguq -
kõik tahtsõq aiaq andit,
puuriidaq puutõhit!
Kost ma võta_ks, vaenõlatsi,
ilma imedä kananõ?
Kõõ elli ma, näio, nääts´koh,
ka(a)bo olli külä kar´usõh.
Velekene mu armakõnõ,
hiirol lasõq hillä minnä,
paadil lasõq parahidõ,
hukaku-i neid huulitsit,
tramp´ku-i neid tanomit -
siin jääväq näioq kasumahe,
takah tulõ vaja tanomit,
hummõn´ vaja huulitsit!
Vrdl: SL II, 1417-1419.