17. Mõrsja ikmine velele.

SL 1963.
H I 3, 603 (3) < Petseri linn - munk Arkadi kohalises kloostris (e.a. 1887).

Velekene armakõnõ,
suurõ süü ütle sino pääle,
pahandusõ pääle parhilla:
milles sa tõrõlõ-s immä,
olõ-s vasta vanõbillõ?
Näio, saa kurjo kottallõ,
vaimlastõ vaihhõllõ -
ülä üldäs ülikuri,
kasa kalõ süämega!
Velekene armakõnõ,
miis üldä-i muud tegevät,
kasa muud kaevat -
ruttu ruuska tiip,
pia piitsku palmitsõs,
üü pääle ütesä ruuska!
Kyik mu ohko ola pääle,
mu piinü piha pääle!
Velekene armakõnõ,
üläl om üsädseleib,
kasal kaarakah[u]kõnõ
ligi lakõ laudu pääl -
küünü-i kätte käega,
haaru-i mano hammastõga.
Kotoh oll´ mul kuniga elo,
ime man imändä elo.
Ime and´ mullõ tüüd kerget:
hannõ ma hoiji, kanno kaidsi.
Aie ma hannõ vesile,
[aie kanno kaldõhe.]
Vrdl: SL II, 1463-1467.