19. Mõrsja ikmine tädile.

SL 1965.
H, R 4, 169 (2) < Ulitino - E. Aun (1887).

Tädikene mu armakõnõ,
tädikene mu kallikõnõ,
näio, küünü ma küsümä,
näio, nõsõ ma nõudõma:
kelle, kulla, sa süüke säädeq,
kelle, kulla, sa laudu laaditõllõt?
Mullõ sa süüke säädku-i,
kulla, laudu laaditagu-i -
ega tulõ-s ma, tsirku, söömädä,
lõivo, ilma lõunõlda!
Kotoh seie, näio, kuus kõrda,
velitsillä viis kõrda,
kotoh jäiq kohviq kiimä,
piitinäq piisümä,
imä jäi mano ikma,
kandja mano kahitsõma,
latsõq jäiq mano laulma,
pereh illo pidämä.
Kui saa ma ülä kodo,
kabo, kaasa kvarterahe,
agu tulõ sys, tsirku, söömädä,
lõivo, ilma lõunõlda?
Üläl vast üsädseleibä,
kaasal kaarasõklinõ,
tuugi pand kulla korgõhe,
lae ala laudullõ -
küünü-i mano küüstega,
haaru-i ma hammastõga?
Sys iks mullõ süüke sääq,
kulla, laudu laaditõllõq!
Vrdl: SL II, 1502-1512.